Astana turizmdı damytu boiynşa zor äleuetke ie, dep habarlaidy astana-akshamy.kz
Elorda maŋyzdy ıs-şaralardy ötkızu jäne turister üşın qolaily jaǧdailar jasau arqyly Ortalyq Aziianyŋ ıskerlık haby retınde damyp keledı. Osy baǧyttaǧy jūmys turaly Kommunikasiialar qyzmetınde ötken brifingte qalanyŋ İnvestisiialar jäne käsıpkerlıktı damytu basqarmasy basşysynyŋ orynbasary Maqsat Jaŋabaev aityp berdı.
Damyǧan infraqūrylym men geografiialyq ornalasuyn eskere otyryp, Astana turizmdı damytu üşın zor äleuetke ie.
2023 jyldyŋ qorytyndysy boiynşa elordada turister sany 2022 jylmen salystyrǧanda 12%-ǧa artyp, 1,3 mln-nan astam adamdy qūrady.
«Turister keletın elder boiynşa bırınşı orynda Resei, odan keiın QHR, Türkiia, Germaniia, Özbekstan, AQŞ jäne t.b. elder ornalasqan. 2023 jyly temırjol aǧyny şamamen 5,5 mln adamdy qūrady, 4%-ǧa ösım baiqalady. Negızgı ösım äue kölıgımen tasymaldauda tırkeldı, mūnda 30 baǧyt boiynşa älemnıŋ 13 elıne 23 aviakompaniia tıkelei halyqaralyq reisterdı oryndaidy. Vizasyz rejim 79 elmen jaŋartyldy», – dep atap öttı spiker.
Astanada turister özderın jaily sezınuı üşın barlyq qajettı infraqūrylym jasalǧan.
Qalada barlyǧy 9 283 nömırge arnalǧan 229 qonaq üi jūmys ısteidı, 70 ırı turistık nysan: teatrlar, mūrajailar, saiabaqtar, SOO, 2100-den astam qoǧamdyq tamaqtanu nysany, 2 aqparattyq turistık düŋgırşek bar. Qalada jaiau jürgınşılerge baǧdarlaudyŋ bıryŋǧai jüiesınıŋ 262 elementı bar, ekı qabatty «Red Bus» ekskursiialyq avtobusy jüredı, CityPASS bıryŋǧai turistık kartasy ıske asyrylady, Astana qalasynyŋ 168 körnekı nysany boiynşa audio turlar ornalastyrylǧan.
«Turisterdıŋ qauıpsızdıgın qamtamasyz etu üşın servistık qyzmet – elordanyŋ turistık polisiiasy qūryldy. Qazaqstan Respublikasynyŋ turistık salasyn damytu tūjyrymdamasyna säikes Astana eldıŋ saiasi, äkımşılık, ıskerlık jäne mädeni ortalyǧy bolyp sanalady. Osyǧan bailanysty, Iskerlık turizm elordada basym baǧyt bolyp belgılendı. Astanada kongress-körme infraqūrylymy jetkılıktı, osy baǧytty damytuǧa erekşe nazar audaramyz. Elordanyŋ Iskerlık turizm industriiasyn damytu maqsatynda, sondai-aq ıs-şaralardy ötkızu üşın bız salalyq qauymdastyqtar men korporativtık sektor ökılderımen ärıptestık baǧdarlamany ıske asyramyz.Qatysuşylardyŋ jalpy sany 90-nan astam kompaniia», – dedı Maqsat Jaŋabaev.
Astanada elorda brendın ılgerıletuge yqpal etetın ıs-şaralardy ūiymdastyruşylardy qoldau baǧdarlamasy jüzege asyryluda. Sondai-aq, qalada oqiǧalyq turizm damyp keledı.
2023 jyly Astanada 350-den astam ıskerlık, sporttyq jäne mädeni ıs-şaralar ötkızıldı.
Körsetıletın turistık qyzmetterdıŋ sapasyn jaqsartu boiynşa jūmystar jürgızılude. Turisterge jaily boluy üşın Astanany damytu ortalyǧy «Visit Astana» serıktestık baǧdarlamasyn ıske asyruda.
Bügıngı taŋda baǧdarlamanyŋ 60-tan astam serıktesı bar. Būl qonaq üiler, meiramhanalar, turoperatorlar, qyzmet körsetu men qyzmet körsetudıŋ joǧary deŋgeiıne kepıldık beretın körıktı oryndar.
«Elorda turizmın damytudyŋ taǧy bır basym baǧyty medisinalyq turizm boldy. Qalada JCI halyqaralyq sapa standartymen akkredittelgen 7 klinika jūmys ısteidı. Astana qalasynda emdeludıŋ negızgı baǧyttary kardiohirurgiia, neirohirurgiia, stomatologiia, plastikalyq hirurgiia jäne onkologiialyq aurulardy emdeu bolyp sanalady. Negızgı artyqşylyǧy – şeteldık klinikalarmen salystyrǧanda medisinalyq qyzmetterdıŋ qūny tömen ärı sapasy joǧary. Onyŋ ışınde, bızdıŋ klinikalar zamanaui jabdyqtarmen jäne joǧary bılıktı mamandarmen jabdyqtalǧanyn atap ötuge bolady. Sondai-aq, medisinalyq turizmdı damytu jäne medisinalyq ūiymdar men turistık sala ökılderınıŋ bırlestıgı üşın «Qazaqstandyq medisinalyq turizm qauymdastyǧy» qūryldy, oǧan bügıngı taŋda 46 klinika men medisinalyq ūiym kırdı», – dep habarlady jauapty basqarmanyŋ ökılı.
