1-3 nauryz aralyǧynda ADD Table Tennis Center Astana üstel tennisı ortalyǧynda ITTF Fa20 Astana Para Open 2024 üstel tennisı boiynşa halyqaralyq turnir ötedı, dep habarlaidy astana-akshamy.kz.
Halyqaralyq turnir tırek-qimyl apparaty zaqymdanǧan, sondai-aq ziiatkerlık kemıstıgı bar sportşylar arasynda ötkızıledı.
Turnirge 19 elden 150-ge juyq sportşy qatysady dep josparlanyp otyr.
Jarysta Astana sapynan Säule Aidarhanova, Balziia Taş, Aleksandra Stepanova, Altynai Erjanqyzy, Gülmira Qaidasova, Raiymbek Jaqypbek, sport şeberıne kandidat Janna Alieva, Rinat Gilfanov jäne Denis Nikitin qatysady.
«ITTF Fa20 Astana Para Open 2024 – halyqaralyq reitingte oryn alu üşın, sondai-aq sportşylar üşın halyqaralyq klassifikasiia alu üşın taptyrmaityn mümkındık. Üstel tennisınde mügedektık tobyna bailanysty sportşylarǧa halyqaralyq däreje berıledı. Halyqaralyq klasqa ie bola otyryp, sportşy osy klasta halyqaralyq jarystarda öner körsete alady. Mysaly, arbadaǧy sportşylarǧa 1-5 klass, tırek-qimyl apparaty zaqymdanǧan sportşylarǧa 6-10 klass, ziiatkerlık mümkındıkterı zaqymdanǧan sportşylarǧa 11 klass berıledı (onyŋ ışınde basqa sanattarǧa bölınedı). Būl turnirge bızdıŋ sportşylar alty ai boiy daiyndaldy. Bız kündelıktı jattyǧuǧa 3 saǧat uaqyt bölemız, sonymen qatar jalpy dene şynyqtyruǧa erekşe nazar audaramyz. Jattyǧu kezınde är sportşyǧa jeke oiyn ädısı men tehnikasy jasalady. Bızdıŋ elımızde de halyqaralyq jarystar ötıp jatqanyna öte quanyştymyn. Sportşylarymyz jaqsy nätijelerge qol jetkızetınıne senımdımın», – dedı Astananyŋ üstel tennisınen aǧa jattyqtyruşy Gennadii Gerasimenko.
Turnir ADD Table Tennis Center Astana üstel tennisı ortalyǧynda (Qabanbai batyr daŋǧyly, 47/1 mekenjaiynda) ötedı. Kıru tegın.
