Jastardy tūraqty jūmyspen qamtu – qalamyzda jüzege asyp jatqan maŋyzdy mındettıŋ bırı. Jyl basynan berı jūmyspen qamtu şaralarymen 4 712 jas qamtylyp, onyŋ 1 642 tūraqty jūmysqa ornalasqan. 1 437 jas maman jeŋıldetılgen jūmys orynyna jıberıldı. Onyŋ ışınde äleumettık jūmys oryndarynda 118, qoǧamdyq jūmystarda 859, «Jastar täjıribesı» baǧdarlamasy boiynşa 365, «Alǧaşqy jūmys orny» jobasy aiasynda 95 adam jūmyspen qamtyldy, dep habarlaidy astana-akshamy.kz.
Elımızde jastardy jūmysqa ornalastyruǧa arnalǧan bırneşe tiımdı baǧdarlama jūmys ısteidı. Sonyŋ bırı – «Alǧaşqy jūmys orny» baǧdarlamasy. Būl alǧaş jūmys ızdep jürgen azamattarǧa jūmys ornyn jäne qajettı eŋbek daǧdylaryn beruge baǧyttalǧan joba. Oǧan 35 jastan aspaǧan, jūmys täjıribesı joq jastardyŋ ökılı ötınım bere alady. Qatysu ūzaqtyǧy 18 aidan aspaidy. Baǧdarlamada ötınım beruşı 30 AEK mölşerınde, iaǧni 110 760 teŋge jalaqy alady.
Sonymen bırge jastar täjıribesı baǧdarlamasy – kolledjder men joǧary oqu oryndarynyŋ tülekterıne mamandyǧy boiynşa bastapqy jūmys täjıribesın aluǧa mümkındık beredı. Oǧan 35 jastan aspaǧan, käsıbi täjıribesı joq azamattar ötınım bere alady. Baǧdarlamaǧa ötınım beruşınıŋ universitet nemese kolledjdı bırıp, diplom alǧanyna 5 jyldan aspauy qajet. Praktikadan ötu merzımı eŋbek ötılıne esepteledı. Qatysu ūzaqtyǧy 12 aidan aspaityn būl baǧdarlamada ötınım beruşı 30 AEK mölşerınde jalaqy alady. Sondai-aq, mekemede tūraqty jūmysqa ornalasuǧa mümkındık alady.
Ūrpaqtar kelısımşarty – zeinetkerlık jasqa tolǧan jūmys ıstep tūrǧan qyzmetkerdı keiınnen auystyra otyryp, oqu oryndarynyŋ tülekterın jūmysqa ornalastyruǧa arnalǧan. Jobaǧa 35 jastan aspaǧan jastar qatysa alady. Ūzaqtyǧy 6 aidan aspaidy. Esterıŋızge sala keteiık, jūmys ızdegender men jūmyssyz azamattar enbek.kz elektrondy eŋbek birjasy arqyly jäne egov.kz elektrondy portalyn paidalanu arqyly onlain tırkele alady, – deidı Astana qalasy äkımdıgınıŋ «Eŋbek mobildılıgı ortalyǧy» KMM direktory Oljas Omar.
Sonymen bırge Beibıtşılık köşesı, 9 mekenjaiynda ornalasqan Mansap ortalyǧyna jügıne alady. Jūmysynan aiyrylǧan jaǧdaida mındettı äleumettık saqtandyru jüiesıne kemınde 24 ai qatysuşy azamat jūmyssyz retınde tırkelgen künnen bastap äleumettık tölem alu qūqyqyǧyna ie bolady. Astana qalasynda 2024 jyldyŋ 21 mausym künı saǧat 14:30-17:00 aralyǧynda Beitşılık daŋǧyly, 9 mekenjaiy boiynşa şaǧyn bos oryndar järmeŋkesı ötedı. Mūnda Solax Hotel Business Management kompaniiasy, JŞS (Pekin Palas) , «SMEU Astana» JŞS, «SMEU Svetofor» JŞS, «Bazis Construction» JŞS Astana qalasyndaǧy filialy jäne taǧyda basqa jūmys beruşıler qatysady.
