Astanada joǧalǧan bala qyzmettık ittıŋ kömegımen tabyldy, dep habarlaidy astana-akshamy.kz.
Kışı inspektor-kinolog polisiia serjanty Nūrsūltan Sanjar, Dan esımdı itımen İmanov köşesındegı aulalardyŋ bırınen 5 jasar balany ızdep tapqan.
Belgılı bolǧandai taŋǧy uaqytta 102 arnasyna joǧalǧan bala turaly habar kelıp tüsken. Qoŋyrau şalǧan balanyŋ anasy balasyn aulada oinap jürgen jerınen taba almai qalǧanyn aityp jügıngen. Äiel balany öz betımen ızdep körgenımen, ızdeu nätije bermegen.
Jedel qoŋyrau qabyldaǧan tärtıp saqşylar bırden jyldam äreketke köşıp, kämeletke tolmaǧan balany ızdeudı dereu ūiymdastyrǧan. Poliseiler balanyŋ boluy mümkın barlyq jerlerdı tekseruge kırısken. Būl jerde qyzmetşı itpen bırge kinolog inspektorlar da balany ızdeuge jūmylǧan. Balanyŋ kiımınen şyqqan iıske qarap, it iıstı bırden qabyldap alǧan. Bıraz uaqyttan keiın Dan, iıs arqyly balanyŋ ızıne tüsıp, ızdei bastaǧan. Nätijesınde ol polisiia qyzmetkerlerın bala jürgen üidıŋ aumaǧyndaǧy oiyn alaŋyna aparǧan. Tärtıp saqşylaryna habarlasqan balanyŋ anasy kömek körsetıp, ūlyn jedel ızdestırgenı üşın poliseilerge erekşe alǧysyn bıldırdı.
Nemıs ovcharkasy Dan, polisiia bölımşesınıŋ kinologiialyq qyzmetınde 4 jyldai qyzmet etude. İt baqylau jūmystaryna jaqsy üiretılgen jäne iıs ızın paidalanyp adamdy ızdeuge äbden daǧdylanǧan.
Elordalyq saqşylar aulada eresekterdıŋ qarauynsyz oinap jürgen balalardyŋ adasyp ketetın jaǧdailar jiı oryn alatynyn atap öttı. Būǧan deiın de qyzmettık it Dan tūrǧyn üidıŋ aulasynan şyǧyp ketken 5 jäne 7 jastaǧy ekı ūl balany tapqanyn quana aituǧa bolady.
