Elordadaǧy №84 «Käusar» balabaqşasynyŋ aulasynda «Tärbie baǧy» – baqytty balalyq şaq jasyl mekenı» atty ekskursiia öttı. Ekskursiia barysynda balalarǧa balabaqşa aumaǧynda ornalasqan ädemı gülzarlar, oiyn alaŋdary, sondai-aq «Araily Astana» men «Tärbie baǧy» saiabaǧy tanystyryldy. Basty maqsat – balalardy gülderdı kütıp baptauǧa üiretıp, olardyŋ boiynda ädemılık pen sūlulyq sezımın oiatu arqyly tabiǧattty qorǧai bıluge tärbieleu, dep habarlaidy astana-akshamy.kz.
Atalǧan balabaqşada 2023-2024 jylǧy oqu jylynda «Balabaqşany kögaldandyruda jürgızıletın landşaftyq zertteuler» taqyrybynda eksperimenttık alaŋ aşylǧan bolatyn. Alaŋdy aşudaǧy maqsat – aimaqtardy, oiyn alaŋdaryn, gülzarlardy abattandyru jäne sändı bezendıru.
-Landşaftyq dizain jūmystaryn bızdıŋ balabaqşa ūjymy jürgızıp, aulada «Aiauly Astana» atty saiabaq aşyldy. Oǧan 70 qaraǧai egıldı. Sonymen qatar «Tärbie baǧy» alaŋqaiyna 20 tüp aqqaiyŋ jäne 21 tüp alma aǧaştary egıldı. Osy aǧaştar tübınde türlı otyrystar men ıs-şaralar ötkızu barysynda balalardyŋ sol aǧaştardy kütuge, olardyŋ jyldan jylǧa qalai öskenın baqylauǧa üiretu arqyly öz eŋbekterınıŋ jemısın jeuge, tabiǧatty aialauǧa tärbieleu közdelgen. Būl jūmysqa bızdıŋ balabaqşanyŋ 300-dei balasy qatysty. Aldaǧy uaqytta da joba jalǧasyn tabady, – deidı №84 balabaqşanyŋ ädıskerı Güldana Mūratbekqyzy.
Ekskursiia baǧdarlamasy boiynşa balalarǧa «Atam men äjemnıŋ tärbie baǧyndaǧy aq üide därumen qosylǧan taŋǧy as», «Köŋıldı äuender» atty taza auadaǧy sergıtu ıs-şarasy ūiymdastyryldy. Sonymen qatar alma, aq qaiyŋ aǧaştary saiasynda zertteu jūmystary jürgızılıp, «Bolaşaq» toby aulasyndaǧy gülzarlardy suaru, baptauǧa uaqyt bölındı. «Araily Astana» qylqanjapyraqty saiabaqta sauyqtyru şaralary ötkızılıp, balalar mäuelı emenderdıŋ aiasynda otyryp «Kırpınıŋ ormanǧa oraluy» atty ertegını tamaşalady. Odan ärı balabaqşanyŋ äsem jerlerın körıp, «Qūraq körpe» gülzarynyŋ janynda fotoǧa tüstı.
