Astana qalasynyŋ kommunikasiialar qyzmetınde azamattyq qorǧau qyzmetterınıŋ 2024 jylǧy su tasqyny kezeŋıne daiyndyq barysy turaly Astana qalasy TJD TJ aldyn alu basqarmasynyŋ bastyǧy Baqytjan Maulenberdievtıŋ qatysuymen brifing öttı, dep habarlaidy astana-akshamy.kz.
Elordada qaŋtar aiynda su tasqynyna qarsy ıs-şaralar ailyǧy bastaldy. Tūrǧyn üi sektorynyŋ tūrǧyndaryna tüsındıru jūmystary jürgızıp, ügıt materialdaryn taratyp, yqtimal qauıptı uchaskelerde 18 reid jürgızılgen. Bügıngı künı kommunaldyq qyzmetkerler qaladan 4,5 mln. tekşe metrden astam qar şyǧarǧan. Sondai-aq, 17 myŋnan astam metr aryq-naua jelısı, 160 metr kollektorlar, 713 dana jaŋbyr suy aǧatyn qūdyqtar tazartylyp, 130 metr qūbyr bulanǧan. «Astana Tazalyq» bazasynda kölemı 2,5 myŋ tekşe metr qūm jäne aǧaş inerttı materialdar qory daiyndalǧan. Taǧy 11 myŋ tekşe metr inerttı materialdardy jetkızuge kelısım-şart jasalǧan.
Tötenşe jaǧdai kezıŋde azyq-tülık pen janar-jaǧarmai materialdaryn jetkızuge 12 memorandum bar. Apat oryn alǧan uaqytta halyqty ornalastyru maqsatynda jalpy sany 2260 orynǧa arnalǧan 7 qonaq üimen memorandumǧa qol qoiylǧan. 1 aqpannan bastap su tasqyny qaupı bar uchaskelerdı komissiiamen tekseru jūmystary jalǧastyryluda. Su tasqyny qūbylystaryna uaqtyly den qoiu maqsatynda jeke qūramnyŋ 586 adamynan, 156 bırlık tehnikadan, 65 motopompadan tūratyn azamattyq qorǧau qyzmetterınıŋ jalpy toby qūrylǧan.
Astana qalasy TJD TJ aldyn alu basqarmasynyŋ bastyǧy qala tūǧyndaryn qardyŋ eruı kezınde apattyŋ aldyn alu şaralaryn saqtauǧa şaqyrdy. Atap aitqanda: üi maŋyndaǧy aumaqtan köşenıŋ jol boiyndaǧy bölıgıne qardy uaqtyly tazalau, üiden aǧyndy sularǧa nemese su ötkızgış qūbyrlarǧa su būrǧyştar ornatu, su sorǧyştardy: tūrmystyq elektr sorǧylary, şelekter, kürekter jäne t.b. daiyndau, su basqan jaǧdaida iKomek qalalyq monitoring jäne jedel den qoiu ortalyǧyna «109» nömırı arqyly nemese qūtqaru qyzmetıne «112» nömırı arqyly dereu habarlau qajet.
