16 mamyrda elımızdıŋ 14 aimaǧynda negızgı ŪBT bastaldy, testıleu 5 şıldege deiın jalǧasady. Al tötenşe jaǧdai rejimı jariialanǧan 6 öŋırde, iaǧni Aqmola, Aqtöbe, Atyrau, Batys Qazaqstan, Qostanai, Soltüstık Qazaqstan oblystarynda ŪBT 25 mamyr men 12 şılde aralyǧynda ötkızıledı, dep habarlaidy astana-akshamy.kz
-Biyl Astana qalasy boiynşa mektep bıtıruşılerdıŋ sany 11 myŋnan asady adamdy qūraidy. Olardyŋ ışınde 10 870 mektep bıtıruşı testıleuge qatysuǧa ötınış bergen. Kün saiyn 638 oquşy ekı kezeŋmen ŪBT tapsyruda. Talapkerler negızgı ŪBT-ny ekı ret tapsyryp, eŋ üzdık nätijemen grant konkursyna qatysa alady. Testıleu formatynda özgerıster joq. 2024 jylǧy talapkerler üş mındettı jäne taŋdau boiynşa ekı pännen test tapsyrady. «Oqu sauattylyǧy» men «Matematikalyq sauattylyq» mındettı pänderınen tapsyrmalar sany 5 sūraqqa qysqardy. Būl beiındık pänder boiynşa sūraqtar sanyn 40-qa deiın arttyruǧa mümkındık berdı. Sonymen qatar beiındık pänderde berılgen tızımnen säikestıktı anyqtauǧa arnalǧan 5 tapsyrma qosyldy, – deidı Astana qalasy Bılım basqarmasynyŋ Jalpy orta bılım berudıŋ mazmūny men ädısteme bölımınıŋ basşysy Asyl Amangeldieva.
Osylaişa, ŪBT tapsyrmalar sany özgerıssız qalady, jalpy 120 sūraq. Onyŋ ışınde «Qazaqstan tarihynan» 20 tapsyrma, «Oqu sauattylyǧynan» 10 tapsyrma, «Matematikalyq sauattylyqtan» 10 tapsyrma jäne ekı beiındık pän boiynşa 40 tapsyrma. Joǧary ball – 140, ol da özgerıssız qaldy.
Testıleudıŋ jalpy uaqyty – 4 saǧat (240 minut). Sonymen qatar erekşe bılım beru qajettılıkterı bar balalarǧa qosymşa 40 minut uaqyty saqtalady, al köru qabıletı būzylǧan balalardyŋ yŋǧaiy üşın syzba jäne diagrammalarsyz sūraqtar äzırlendı. Bılım basqarmasymen psihologtar qyzmetı jäne mügedekter men mügedek balalarǧa testıleu tapsyruǧa jaǧdai jasau maqsatynda (pän mūǧalımı bolyp tabylmaityn) pedagog-assistentterdıŋ süiemeldeuı qamtamasyz etıledı.
Akademiialyq adaldyqty qamtamasyz etu maqsatynda test nūsqalary taŋbalanǧanyn atap ötken jön. Iаǧni, ŪBT-ǧa qatysuşylardyŋ ärqaisysynyŋ jeke test nūsqasy bolady. Sonymen qatar, kalkuliator, Himiialyq elementterdıŋ periodtyq jüiesı men tūzdardyŋ erıgıştık kestesı kompiuter ekranynda qoljetımdı. Talapkerlerdıŋ pıkırı men qalauyn eskere otyryp, olarǧa kestelerdıŋ qaǧaz nūsqasy berıledı.
Test tapsyruşylar testıleu aiaqtalǧannan keiın 30 minut ışınde apelliasiiaǧa ötınış bere alady. Sertifikat apelliasiialyq komissiianyŋ şeşımınen keiın talapkerdıŋ jeke kabinetınde qoljetımdı bolady. Şektı ball özgergen joq: «Qūqyq» jäne «Pedagogikalyq ǧylymdar» bılım beru salalary üşın kemınde 75 ball, «Densaulyq saqtau jäne äleumettık qamtamasyz etu (medisina)» kemınde 70 ball, «Auyl şaruaşylyǧy jäne bioresurstar», «Veterinariia» kemınde 60 ball (ūlttyq joo üşın); ūlttyq joǧary oqu oryndaryna tüsu üşın kemınde 65 ball, basqa joǧary oqu oryndaryna kemınde 50 ball jinau kerek.
Testıleuge kırgızu kezınde qol jäne ramalyq metall ızdegışter paidalanylady. Būl talapkerlerdıŋ qauıpsızdıgın qamtamasyz etıp, erejelerdı būzu men tyiym salynǧan zattardy (ūialy telefon, şpargalka jäne t.b.) alyp ötudıŋ aldyn alu üşın qajet. Testıleu barysynda auditoriianyŋ jäne beinebaqylaudyŋ audanyna bailanysty rūqsat etılgen magnittık tolqyndar şegınde ūtqyr jäne radioelektrondyq bailanys signaldaryn basatyn qūrylǧylar qoldanylady.
2024 jylǧy ŪBT aiaqtalǧannan keiın küntızbelık jyldyŋ 31 qazanyna deiın testıleudıŋ beinejazbalaryna taldau jürgızıledı. Tyiym salynǧan zattardy paidalanu nemese erejelerdı būzu faktılerı anyqtalǧan jaǧdaida tüsuşınıŋ ŪBT nätijelerı joiylady. ŪBT kezeŋınde ūiymdastyru jäne ötkızu jönındegı jospar-tapsyrmasy boiynşa, test ötkızu punkterınde tiıstı jūmystar (qoǧamdyq tärtıp, ört qauıpsızdıgın saqtau, ǧimarattyŋ terrorizmge qarsy qorǧaluyn tekseru, üzdıksız elektrmen jabdyqtau, jedel järdem kezekşılıgın ūiymdastyru, punkt aumaqtaryn jinau, memlekettık komissiia müşelerınıŋ kezekşılıgı) jürgızude.
