«Astana jastary» jastar resurstyq ortalyǧynda tört jyldan berı qalalyq erıktıler ştaby jūmys ısteidı, dep habarlaidy astana-akshamy.kz
Qazır onyŋ qūramyna alty myŋnan astam belsendı erıktı kıredı. Onyŋ müşelerı su tasqynynan zardap şekken öŋırlerge qalai kömekteskenı turaly Kommunikasiialar qyzmetınde ötken brifingte ştab basşysy Şyŋǧys Tıleulin aityp berdı.
Elordalyq erıktıler su tasqynynan zardap şekken qazaqstandyqtarǧa qoldan kelgenşe kömek körsetıp jatyr.
29 nauryz ben 10 mamyr aralyǧynda Astanada memlekettık organdardyŋ, käsıpkerlerdıŋ, ükımettık emes ūiymdardyŋ, jeke tūlǧalar men erıktılerdıŋ küşımen 1160,5 tonnaǧa juyq gumanitarlyq kömek jinaldy.
«Qalalyq volonterlık ştabty üilestıru kezınde gumanitarlyq kömek alymdarymen 10 punkt (äleumettık qoimalar) ainalysady. Jiynǧa 30 erıktıler ūiymy men 500-den astam adam jūmyldyryldy», – dedı Tıleulin.
Elorda äkımdıgınıŋ tıkelei üilestıruımen 1160,5 tonna gumanitarlyq kömek myna oblystarǧa jıberıldı:
1) Aqtöbe oblysyna – 260 tonna.
2) Batys Qazaqstan oblysyna – 216,5 tonna.
3) Qostanai oblysyna – 246 tonna.
4) Qaraǧandy oblysyna – 40 tonna.
5) Atyrau oblysyna – 51 tonna.
6) Soltüstık Qazaqstan oblysyna – 335 tonna.
7) Aqmola oblysyna – 12 tonna.
Är aimaqqa qajettı tauarlar jıberıldı. Olar: azyq-tülık, bötelkedegı su, jeke gigiena qūraldary, sondai-aq su tasqyny aimaqtarynda jūmys ısteu üşın qajettı jabdyqtar (qaiyqtar, generatorlar, kürekter, sömkeler, qolǧaptar, şamdar, arnaiy kiım jäne t.b.).
