Naşaqorlyqqa qarsy küres künı qarsaŋynda, sondai-aq, «Naşaqorlyqqa qarsy küres jäne naşaqorlyqtyŋ aldyn-aludyŋ 2023-2025 jyldarǧa arnalǧan keşendı josparyn» ıske asyru aiasynda elordada «Astana – esırtkısız qala» atty ūranymen veloşeru öttı, dep habarlaidy astana-akshamy.kz.
Veloşeruge polisiia departamentınıŋ qyzmetkerlerı, qalalyq äkımdık, sport seksiialarynyŋ, ÜEŪ jastar qozǧalystarynyŋ ökılderı, sonymen qatar, qatysuǧa niet bıldırgen azamattar qatysty. Veloşeru Tūran daŋǧylynyŋ boiyndaǧy «Qazaqstan Künı» monumentınen bastau alyp, Qorǧaljyn tas jolyna deiın jalǧasyp, Tūran daŋǧylynyŋ boiyndaǧy demalys saiabaǧynda aiaqtaldy. Bükıl sapar barysynda veloşabandozdardy polisiianyŋ patruldık kölıkterı men eskord vzvody ılesıp jürdı. Veloşeruge 700-den astam adam qatysty.
Astana qalasy Polisiia departamentınıŋ bastyǧy polisiia general-maiory Marat Tölebaevtyŋ jetekşılıgımen qatysuşylar on şaqyrymdy baǧyndyrdy.
Sporttyq şara – öskeleŋ ūrpaq arasynda esırtkı qylmysymen küresu, sondai-aq, jastardyŋ esırtkıge äues bolmai, psihoaktivtı zattardy qoldanbai, bos uaqytyn dūrys paidalanyp jäne būqaralyq sportty keŋınen nasihattau men damytu maqsatynda ötkızıldı.
«Veloşeru – eŋ aldymen naşaqorlyq mäselesıne qoǧamnyŋ nazaryn audaruǧa baǧyttalǧan. Būl – bükıl qoǧam üşın problema jäne onymen bärımız bırge, jūmyla küresuımız qajet»-dep elordalyq Polisiia departamentınıŋ basşysy atap öttı.
Jyl basynan berı polisiia qyzmetkerlerı zaŋsyz esırtkı ainalymynan jalpy salmaǧy 60 kelıden astam esırtkı zatyn tärkıledı. Mūndai ıs-şaralar öskeleŋ ūrpaqtyŋ boiynda naşaqorlyqqa tözbeuşılıktı qalyptastyru, sondai-aq, olardy osy ziiandy täueldılıkten qorǧauǧa baǧyttalǧan. Veloşerudıŋ barlyq qatysuşylary qaşyqtyqtan sürınbei ötıp, al olardyŋ dostary men ärıptesterı märe syzyǧynda kütıp tūrdy.
