Dästürlı sadaq atudan Qazaqstan ūlttyq qūramasynyŋ sportşysy, elordalyq Aikörkem Batihan Türkiianyŋ Ystanbūl qalasynda ötken «Fetih Kupası» («Jeŋıs kubogı») turnirınde älem chempiony atandy, dep habarlaidy astana-akshamy.kz
Aikörkem Batihan būl tarihi jeŋıske 50 metr qaşyqtyqta diametrı 50 sm bolatyn Puta nysanasy boiynşa jarysta qol jetkızdı. 12-şı ret ötıp otyrǧan «Fetih Kupası» halyqaralyq turnirıne älemnıŋ 20 elınen 300-ge juyq sportşy qatysty.
«Fetih Kupası» halyqaralyq turnirı – dästürlı sadaq atu boiynşa eŋ ırı jarystardyŋ bırı. Būl saiysta tabysty öner körsetu jäne jeŋıske jetu qazaqstandyq barlyq sadaqşynyŋ ülken armanynyŋ bırı desek bolady. Būl turnir – Türkiiada 12 jyl boiy üzbei ötıp kele jatqan ıs-şara. Qazaqstandyq sportşylar oǧan 2017 jyldan berı qatysyp keledı, bıraq biylǧa deiın jeŋıske jetpegen edık. Osy jyly bızdıŋ sportşylar finalǧa şyqty: 4 qyz jäne 4 er adam joldama aldy.
Finalda Aikörkem Batihan Türkiianyŋ eŋ myqty sadaqşysymen kezdesıp, ony 5:4 esebımen jeŋdı. Aikörkemnıŋ jeŋısı – bükıl komandamyz üşın ülken jetıstık», – dedı dästürlı sadaq atudan Qazaqstan ūlttyq qūramasynyŋ bas bapkerı Dias Ahmetov.
19 jastaǧy Aikörkem Batihan – astanalyq sportşy. Onyŋ dästürlı sadaq atumen ainalysyp jürgenıne nebärı 1,5 jyl bolǧan.
