Astanada «Ūlttyq sezım» jalpyūlttyq fleşmobyna atsalysyp jatqan ūjymdar qatary artuda. Qoldauşylar qataryna Astana qalasynyŋ Dene şynyqtyru jäne sport basqarmasynyŋ qyzmetkerlerı men basqarmaǧa qarasty mekemeler de qosyldy. Olar endı aldaǧy uaqytta jūmysqa ūlttyq kiım kiıp, qazaqy äşekei-būiymdaryn taǧyp jüretınderın jetkızdı, dep habarlaidy astana-akshamy.kz
Jeltoqsan aiynda bastalǧan bastamaǧa kez-kelgen adam qatysa alady. Naqty şekteu joq. Bar bolǧany qatysuşylar fotosuretterı men beinelerın #ūlttyqsezım #noşunasionalnoe #ūlttyqkiımkiem heştegterı arqyly jüktep, jobanyŋ resmi @ulttyqsezim.kz Instagram paraqşasyn belgılep, är aptanyŋ jūma künınde ūjymdaǧylar ūlttyq kiım kiiu ürdısın saqtasa jetkılıktı.
«Ūlttyq sport qauymdastyǧynyŋ bastamasymen, ūlttyq kiımdı därıpteudı maqsat etken «Ūlttyq sezım» jobasy elımızdıŋ barlyq aimaǧynda keŋınen qoldauǧa ie boldy. Ata-babalarymyzdyŋ dästürlerı men tarihy arqyly qazaqy būiymdy brendke ainaldyruǧa türlı salanyŋ mamandary üles qosyp jatyr. Öz kezegımızde bızdıŋ qyzmetkerler de jäne basqarmaǧa qarasty mekemeler «düisenbıden -jūmaǧa» deiın degen nietpen bastamasyn bastap, aptanyŋ jūmasyn ūlttyq dress-kod künı dep jariialadyq. Bastama qazaq mädenietın nasihattauǧa, halyqty bırtūtas koǧamdastyqtyŋ bölıgı boluǧa jäne ūlttyq bıregeilıktı jandandyruǧa öz ülesın qosuǧa şabyttandyrady»,- deidı qalalyq sport basqarmasy basşysynyŋ mındetın atqaruşy Erkeǧali Korbozov.
Astana qalasynyŋ Dene şynyqtyru jäne sport basqarmasy «Ūlttyq sezım» fleşmoby aiasynda ūlttyq qūndylyqtyŋ mänın arttyruǧa qalalyq basqarmalardy şaqyrady.
