Qazaqstannyŋ Eŋbek kodeksı odan ärı jetıldırudı talap etedı. Bügın elordadaǧy Prezidenttık ortalyqta «Eŋbek qūqyǧynyŋ özektı mäselelerı. Eŋbek qūqyqtary jäne olardy qorǧau: zaŋ jäne praktika» taqyrybynda ötken döŋgelek üstelde QR Konstitusiialyq sotynyŋ Ǧylymi-konsultativtık keŋesınıŋ müşesı Amanjol Nūrmaǧambetov osylai dedı, dep habarlaidy astana-akshamy.kz
Ol mūny qoldanystaǧy qūjatqa özgerıster men tolyqtyrular engızudı jalǧastyru arqyly nemese jaŋa Eŋbek kodeksın äzırleu jäne qabyldau jolymen jüzege asyruǧa bolatynyn jetkızdı. Spikerdıŋ aituynşa, ekınşı joly tiımdırek, sebebı būnyŋ arqasynda jaŋa mamandyqtar men qarym-qatynas nysandaryn qamtityn qazırgı eŋbek naryǧynyŋ barlyq qyrlary eskerıletın bolady.
Parlament deputattarynyŋ, qazaqstandyq jäne şeteldık ǧalymdar men eŋbek qūqyǧy salasyndaǧy sarapşylardyŋ qatysuymen ötken
Is-şara QR Prezidenttık ortalyǧy men Parlamentarizm institutymen «Qazaqstan Respublikasynyŋ keibır zaŋnamalyq aktılerıne eŋbek zaŋnamasyn jetıldıru mäselelerı boiynşa özgerıster men tolyqtyrular engızu turaly» QR Zaŋ jobasynyŋ normalaryn talqylau jäne äzırleu maqsatynda ūiymdastyryldy.
«Eŋbek qatynastary salasy kez-kelgen eŋbek ūjymynyŋ tiımdı jūmys ısteuı üşın maŋyzdy bırqatar negızgı baǧyttardy qamtidy. Būl käsıptık jaraqattar men aurulardyŋ aldyn aludy qamtityn eŋbek qauıpsızdıgı, jūmys beruşıler, qyzmetkerler men memleket arasyndaǧy özara ıs-qimyldy közdeitın äleumettık ärıptestık, sondai-aq kadrlardy ırıkteuge, oqytuǧa jäne damytuǧa baǧyttalǧan personaldy basqaruy. Oǧan qosa, eŋbek jäne äleumettık serıktestık zaŋnamasynyŋ saqtaluyn qamtamasyz etetın eŋbek qatynastaryn qūqyqtyq retteu», – dedı Parlamentarizm institutynyŋ direktory Qanatbek Safinov.
