Astana polisiiasy er adamdy «ūrlaǧandardyŋ» videosyna qatysty jauap berdı, dep habarlaidy astana-akshamy.kz
Äleumettık jelıde Astanada «er adamdy ūrlap bara jatqandar» körsetılgen video tarady. Elordalyq Polisiia departamentı oqiǧaǧa qatysty pıkır bıldırdı.
Äleumettık jelıde jariialanǧan videoda ekı er adamnyŋ üşınşısın jetektep, süirep bara jatqany körınedı. Ol özın küştep ūstaǧandarmen qarsylasuǧa tyrysady, bıraq būdan tük şyqpaidy. Keiın er adamdy jaqyn jerde tūrǧan kölıktıŋ artqy oryndyǧyna otyrǧyzyp, ketıp qalady.
Jelı qoldanuşylary kuägerler adamdy ūrlau sätın videoǧa tüsırıp alǧan degen boljam jasaǧan. Alaida, Astana Polisiia departamentı būl nūsqany joqqa şyǧardy.
«Atalǧan fakt boiynşa adamdar anyqtaldy, tekseru jürgızılıp jatyr. Adam ūrlau deregı rastalǧan joq. Astana Polisiia departamentı jalǧan aqparat taratpauǧa jäne resmi derekközderge senuge şaqyrady», – dedı vedomstvo ökılderı.
