Elordada alǧaşqy ret Astana qalasy äkımdıgınıŋ qoldauymen autizmı jäne aqyl-oi kemıstıgı bar balalarǧa arnalǧan «Erekşe älem» atty jappai būqaralyq veloşeru ūiymdastyryldy, dep habarlaidy astana-akshamy.kz
Veloşerude söz alǧan №6 Balalar men jasöspırımderdıŋ mamandandyrylǧan olimpiadalyq rezerv sport mektebınıŋ basşysy Bauyrjan Ötegenov aldymen balalardy Halyqaralyq balalar künımen qūttyqtap, erekşe jandardyŋ ömırge degen talpynystary men sportqa degen qūştarlyqtaryna rizaşylyǧyn bıldırıp, olardyŋ qoǧamdaǧy rölıne toqtaldy.
«Qai halyqtyŋ bolmasyn eldıgın, salt-dästürın, ata-mekenın bolaşaqqa aparatyn bügıngı jas ūrpaǧy. Memleket basşysy Qasym-Jomart Toqaev «Balalarǧa erekşe nazar audaru kerek. Sebebı olardyŋ amandyǧy – memleketımızdıŋ jarqyn bolaşaǧynyŋ senımdı kepılı», – dep aitqan bolatyn.
«Mıne, bügınde elımızde erekşe balalardy qosymşa bılımmen jäne sportpen qamtamasyz etu baǧytyna den qoiylyp, qabıletterıŋızdı şyŋdauǧa barlyq jaǧdai jasalyp keledı. Bügıngıdei mänı zor şaranyŋ sportqa müddelı balalardyŋ sporttyq äleuetın damytuǧa, olardyŋ qoǧamnan şet qalmai, teŋ därejede barşa mümkındıkterge qol jetkıze aluyna maŋyzy zor dep sanaimyn», – dedı ol.
Aituly şaraǧa 50-ge juyq erekşe bala men olardyŋ ata-analary qatysty. Olar «Ürker» (İlinka) tūrǧyn alabynyŋ saiabaǧynan bastap 5 jäne 10 km qaşyqtyqtardy baǧyndyrdy.
Būqaralyq veloşeruge nemeresı Amira Kalievany qoldauǧa kelgen Rysty Qabdullina alǧysyn bıldırdı.
«Bügıngıdei keremet aua raiynda ūiymdastyrylǧan veloşeruge nemeremmen kelıp otyrmyn. Mūnda özderınıŋ balalaryn, nemererelerın qoldauǧa köptegen jandar kelıp otyr.
Bärımız tolqyp tūrmyz. Būl – erekşe mümkındıkterı bar balalar arasynda ötıp jatqan alǧaşqy jarys. Osyndai balalardyŋ damuy men sporttaǧy jetıstıkterı üşın jaǧdai jasau, sondai-aq qoǧamnyŋ nazarynan tys qaldyrmai osyndai ıs-şarany ūiymdastyrǧan qala äkımdıgıne rizaşylyǧymdy bıldıremın. Bız üşın būl jarys emes, merekelık ıs-şara bolyp sanalady», – dedı Rysty äje.
Veloşerudıŋ soŋynda är qatysuşy medalmen jäne «Limpopo» sporttyq dükenı ūsynǧan sertifikattarmen marapattaldy.
Būl ıs-şarany Astana qalasy Dene şynyqtyru jäne sport basqarmasy men «Velolegend» qoǧamdyq bastamaşyl toby ūiymdastyrdy.
