Memleket basşysy Qasym-Jomart Toqaev äleumettık salaǧa qatysty bırşama özgerıs engızdı.
«Reforma jürgızgen kezde äleumettık kömektıŋ kımge jäne qalai berıletının tügel qaita qarau qajet. Iаǧni, bölıngen qarjyny barynşa tiımdı jūmsap, ony şyn mänınde kömekke mūqtaj adamǧa beru kerek. Qazırgı taŋda tört jarym millionǧa juyq adam memleketten äleumettık kömek alady. Būl – şamamen elımızdıŋ ärbır besınşı tūrǧyny degen söz. Basym köpşılıgı – eŋbekke jaramdy azamattar. Halyqqa äleumettık kömek beremız dep, bız, şyny kerek, qoǧamda masyldyq psihologiiaǧa jol berdık. Örkeniettı el bolamyz desek, mūndai jaǧymsyz üderıske tosqauyl qoiuymyz kerek. Tūratyn üiı, tıptı, astynda qymbat kölıgı bar azamattarǧa emes, kömekke zäru adamdarǧa kömek berıluı qajet. Jalpy, azamattarǧa äleumettık qoldau körsetu jüiesın qaita qaraǧan jön» dedı Ükımettıŋ keŋeitılgen otyrysynda Memleket basşysy Qasym-Jomart Toqaev.
Prezident medisinalyq infraqūrylymdy damytudyŋ maŋyzy zor ekenın atap öttı. Alaida «Auyldyq densaulyq saqtaudy jaŋǧyrtu» ūlttyq jobasyn ıske asyru aiasynda josparlanǧan 655 nysannyŋ tek 85-ı ǧana paidalanuǧa berılgen. Sondai-aq jaŋa formattaǧy 369 mekteptı paidalanuǧa beru josparlanǧan bolatyn. Bıraq tehnikalyq qūjattardy uaqytyly daiyndauda jäne jer uchaskelerın bölude qiyndyqtar tuyndap tūr. Memleket basşysy osyǧan qatysty Ükımetke, äkımderge jäne «Samūryq-Qazyna» qoryna «Densaulyq saqtaudy jaŋǧyrtu» jäne «Jaily mektep» ūlttyq jobalaryn ıske asyruǧa kedergı keltıretın barlyq mäselenı şeşudı tapsyrdy.
Erlan DÄKENOV,
Astana qalasy
mäslihatynyŋ deputaty
