Bügıngı taŋda elordada 30 myŋnan astam mümkındıgı şekteulı jan bar. Olarǧa körsetıletın äleumettık qoldau şaralary turaly qalalyq kommunikasiialar qyzmetınde ötken baspasöz mäslihatynda Astana qalasy Jūmyspen qamtu jäne äleumettık qorǧau basqarmasy basşysynyŋ orynbasary Erkebūlan Mälık mälım ettı.
Astana qalasynyŋ Jūmyspen qamtu jäne äleumettık qorǧau basqarmasynyŋ strategiialyq mındetı mügedektıgı bar adamdardy äleumettık damytu jäne qoldauǧa baǧyttalǧan. Būl rette basqarma basşysynyŋ orynbasary qazırgı kezde elordada 33358 mügedektıgı bar adam tūratynyn, onyŋ ışınde eresekter 24647 jäne balalar sany 8711 adam ekenın atap öttı.
– Astana qalasy mäslihatynyŋ 2023 jylǧy 3 qazandaǧy №84/10 şeşımımen bekıtılgen Astana qalasynyŋ äleumettık kömek körsetu, onyŋ mölşerlerın belgıleu jäne mūqtaj azamattardyŋ jekelegen sanattarynyŋ tızbesın aiqyndau qaǧidalaryna säikes bırınşı toptaǧy mügedektıgı bar adamdardy ertıp jüretın sanatorlyq-kurorttyq emdeluge jūmsalǧan şyǧyndardy öteu türındegı tölemder mölşerı aǧymdaǧy jyldyŋ 4 qaraşasynan 35 AEK-ten 55 AEK-ke ūlǧaityldy. Sondai-aq mügedektıgı bar adamdarǧa oŋaltu jäne abilitasiia jeke baǧdarlamasyna säikes oŋaltu qyzmetterımen, onyŋ ışınde äleumettık jäne käsıptık qyzmetterımen qamtamasyz etıledı, – dedı Erkebūlan Mälık.
Tehnikalyq kömekşı, iaǧni kompensatorlyq qūraldarmen jäne oŋaltu qyzmetterımen qamtamasyz etu bölıgınde äleumettık oŋaltu şaralarymen äleumettık qyzmetter portaly arqyly 2022 jyly 17 myŋ mügedektıgı bar adam, biyl 28 myŋnan astam erekşe jan qamtyldy. Mügedektıgı bar, jürıp-tūruynda qiyndyqtary bar adamdarǧa jäne mümkındıgı şekteulı balalarǧa invataksi kölıgı tegın qyzmet körsetedı.
– «İnvataksi» qyzmetı 5 baǧyt boiynşa 117 invataksi avtokölıgın, atap aitsaq, 16 mamandandyrylǧan jäne 101 jeŋıl avtokölıktı paidalana otyryp, künıne orta eseppen 1167 tasymaldau körsetıledı. Qyzmet aluşylardy tolyq qamtu, sondai-aq invataksi qyzmetın körsetu mehanizmın özgertu, sapasy men jyldamdyǧyn arttyru aiasynda elordada 2023 jyldyŋ 10 şıldesınen bastap Iаndeks Go qyzmetı arqyly qanatqaqty joba ıske qosyldy. Oǧan 195 mügedektıgı bar adam, onyŋ ışınde 128 mügedektıgı bar bala, 23 köru qabıletı şekteulı jäne 18 jastan asqan DKK ūsynysymen 61 mügedektıgı bar adam qatysty. Osy uaqyt aralyǧynda jalpy somasy 6,5 mln teŋgege 11144 tasymal jüzege asyryldy, – dedı basqarma basşysynyŋ orynbasary.
Qala äkımdıgı 2023-2027 jyldarǧa arnalǧan mügedektıgı bar adamdar üşın kedergısız orta sapasynyŋ monitoringın qamtamasyz etu jönındegı jol kartasyn bekıttı. Almaty, Saryarqa, Baiqoŋyr jäne Esıl audandary äkımderınıŋ apparattarynda nysandardy pasporttau boiynşa jūmys toptary qūryldy. 2023 jylǧa 219 nysan kölemınde pasporttau jäne beiımdeuge jatatyn nysandardyŋ tızbesı daiyndaldy. Bügınde jūmys toptary baryp, 219 nysannyŋ 200-ı nemese 78,8 paiyzy saraptamadan öttı, onyŋ ışınde 104 nysan beiımdeldı. Jūmys jalǧasuda. Audan äkımdıkterı bergen, monitoring toptarynyŋ jäne QNjE eskertulerıne säikes, nysandardyŋ menşık ielerı (balans ūstauşylary), eskertulerdı joiu boiynşa jūmys jürgızılude.
– Basqarma – vedomstvolyq baǧynysty 10 mekemenıŋ qyzmetın üilestıruşı. Onyŋ ışınde halyqty äleumettık qorǧau salasyndaǧy arnauly äleumettık qyzmetterdı körsetu standartyna säikes, 6 ūiym arnauly 8 türı boiynşa äleumettık qyzmetter körsetedı. Aǧymdaǧy kezeŋde 3928 mügedektıgı bar adam (onyŋ 2805-ı – bala) arnauly äleumettık qyzmettermen qamtyldy (memlekettık mekemeler – 1583 adam, ÜEŪ – 2345 adam). Jyl saiyn memlekettık äleumettık tapsyrys şeŋberınde arnauly äleumettık qyzmetterdı ÜEŪ qarjylandyru jüzege asyrylady. Astanada arnauly äleumettık qyzmetter körsetetın ükımettık emes ūiymdar sany 2019 jyly 5-eu bolsa, 2023 jyly 8-ge jäne qyzmet aluşylardyŋ sany sol jyldan 1823 adamnan 2345 adamǧa östı, – dedı Erkebūlan Mälık.
Jeke oŋaltu jäne abilitasiia baǧdarlamasyna säikes, eŋbekke jaramdy jastaǧy mügedektıgı bar adamdar üşın jūmyspen qamtuǧa järdemdesu şaralary qarastyrylǧan. 2023 jyldyŋ 11 aiynyŋ qorytyndysy boiynşa jūmyssyzdyqtan äleumettık qorǧau şaralarymen 1288 mügedektıgı bar adam qamtyldy. «Elektrondyq eŋbek birjasy» internet-portalynda (www.enbek.kz) mügedektıgı bar adamdardy jūmysqa ornalastyru boiynşa 418 jūmys orny boiynşa 132 bos jūmys orny bar. Bügınge deiın elordada 39 bos jūmys oryndary järmeŋkesı ötkızıldı.
