Netken zaman edı, mūzdai suyq lebı,
Sol bır sūmdyq əlı mazalaidy menı.
Qos üreilı künder, qorqynyşty tünder,
Jazyǧy joq jandar, alyp ketken kımder?
Kınəsı joq jandar, kımder kınə taqqan,
Künəsı joq jandar, kımder jala japqan?
Aqqa küie jaqqan, aityŋdarşy, kımder,
Kürsınedı taular, tūnjyraidy kölder.
jekkenge qudalanyp, qazaq halqynyŋ betke ūstar azamattary osyndai näubettı basynan ötkızdı. 1937 jyly tuǧan aqyn ömırınıŋ soŋyna deiın «nege men sol jyly tudym» dep jauabyn taba almai öttı. Zobalaŋ jyldar qaZaqtyŋ är otbasynyŋ tarihynda öşpes ızın qaldyrdy, ainalyp ötpedı. Sondyqtan bolar 1997 jyly 3 säuırde №3443 Qazaqstan Prezidentınıŋ jarlyǧymen 31 mamyr künın repressiiaǧa ūşyraǧan bozdaqtardy eske alu künı dep jariialauy künäsız jazalanǧandardy ūrpaǧyna tırıltıp bermese de, halyq jauy dep qaralaǧan jaladan aqtap, halqyn, elın süigen erler ekenın däleldep, ǧasyr boiy qara jamylǧan halyqtyŋ basyn köterıp atalaryn maqtanyşpen eske alyp, alǧa batyl basyp, elınıŋ bolaşaǧyn qūruǧa dem berdı.
Osy öleŋ joldary itermelep, än tuuyna sebep boldy. Öitkenı öz atam Äbıştıŋ tuǧan aǧasy partşkolǧa oquǧa ketken qalpynan joq bolyp, tıptı aty atalmai öttı, nemere ınısı Hamit Sömbaev auyl äkımı bolyp jürgen jerınen halyq jauy atalyp, 10 jylyn Sıbırde ötkızıp elge oraldy. Sodan bolar 6 mausymda än daiyn boldy. Sol jyly «Aljir» mūrajaiynyŋ aşyluyna daiyndyq jūmystaryn basqaryp jatqan Äpriza Qūsaiynovamen kezdesıp, ändı tyŋdattym, mätının oqyttym. Ändı mädeniet departamentınıŋ basşylyǧy tyŋdap, jaqsy qabyldap, filarmoniianyŋ änşılerı Nurfat Haberjanūly men Ainur Bainuldina mūrajaidyŋ aşylu räsımıne daiyndap oryndady.
Bıraq ändı jetıldıru maqsatynda ızdenıs toqtatylmady. Izdenıs jolynda 2009 jyly öner akademiiasyn bıtırgen jas, qoŋyr dauysty änşı Azamat Jyltyrközovtı taǧdyr kezdestırdı. Ändı alyp, 3-4 ai boiyna sıŋırıp, jüregınen ötkızgen än, aqyn men sazgerdıŋ oiyn jetıldıre jetkızgen tuyndy bolyp şyqty. Bügıngı künı elımızdıŋ oblystyq teledidarlary men ortalyq «Habar» mediaholdingı jäne «Qazaqstan» teleradio korporasiiasy kezınde körsettı. 2010 jyly mūrajaidy sol jyldary basqarǧan Bolat Jünısbekovtıŋ qoldauymen beinebaian tüsırılıp, klip bolyp şyqty. 31 mamyrda tūsaukeserıne qatysamyn dep daiyndalǧan aqyn-aǧamyz 4 saǧat ǧūmyry jetpei dünieden ozdy. Özı kettı – änı qaldy. Taǧdyr…
Ersaiyn NARYMBAEV
