Astanada LRT konstruksiiasyna evakuator soqtyǧysyp qalǧan, dep habarlaidy astana-akshamy.kz
Oqys oqiǧa keşe keşke saǧat 21:15 şamasynda bolǧan.
Onyŋ videosy äleumettık jelılerde jappai taraldy. Kadrlarda evakuatordyŋ salynyp jatqan konstruksiianyŋ astynan öte almai tırelıp qalǧanyn köruge bolady.
Howo markaly kölıktı tızgındegen 60 jastaǧy jürgızuşı Ūly Dala daŋǧyly boiymen ülken arnaiy tehnikany tasymaldap bara jatqan. Ol Tūran daŋǧyly jaǧynan Qabanbai batyr daŋǧylymen qiylysqan jerde kölıgınıŋ gabaritın (onyŋ biıktıgın) eskermei, LRT konstruksiiasynyŋ astynan ötpek bolyp, ony zaqymdap aldy, – delıngen Astana qalasy PD habarlamasynda.
Abyroi bolǧanda zardap şekkender men qaza tapqandar joq.
Jürgızuşı äkımşılık jauapkerşılıkke tartyldy. Onyŋ materialdary äkımşılık sotqa joldandy.
