Fransiianyŋ medisina mamandarynan qūralǧan delegasiia täjıribe almasu maqsatynda Astanadaǧy № 9 emhana jūmysymen tanysuǧa keldı. Şeteldık delegattar MSAK deŋgeiındegı jūmys prosesterımen tanysu üşın emhana ışın aralady, dep habarlaidy astana-akshamy.kz.
Alǧaşqy medisinalyq-sanitariialyq kömek qyzmetın ūsynu emhananyŋ tırkeu bölımınen bastaldy. Emhana direktory Säule Smaǧūlova triage-jüiesı boiynşa pasientter aǧynyn sūryptau jäne elektrondyq kezek arqyly jazylu jūmysyn körsettı.
Būdan ärı delegattar jedel järdem bölımşesınıŋ, densaulyq mektepterınıŋ, katanamnez, balany damytu jäne otbasyn josparlau kabinetterınıŋ qyzmetımen tanysty, ambulatoriialyq hirurgtar ortalyǧyna jäne kündızgı stasionardy aralady. Sondai-aq, şeteldık qonaqtar alǧaşqy medisinalyq-sanitarlyq kömek, konsultasiialyq-diagnostikalyq qyzmetter körsetetın basqa da qūrylymdyq bölımşelerdıŋ jūmysymen tanysty.
Delegattardy patronajdyq qyzmettıŋ ämbebap progressivtı modelınıŋ jūmysy qatty qyzyqtyrdy. Sondai-aq olar medisinalyq saqtandyru jäne uchaskelık qyzmetınıŋ jūmysyna qatysty öz sūraqtaryn qoidy. Kezdesu soŋynda Fransiialyq qonaqtar bızden qabyldauǧa keletın jäne öz qyzmetterınde engızuge köp närse bar ekenın atap öttı.
20 ch.
Pokazat perevod
