Memleket basşysy halyqqa Joldauynda kreativtı industriiany qoldau jäne mädeniet, bılım, ǧylym jäne sport salasynda halyqaralyq yntymaqtastyqty ornatudyŋ maŋyzdylyǧyn bırneşe ret atap öttı, dep habarlaidy astana-akshamy.kz
«Global Nomads Awards 2024 şyǧarmaşyl jastar baiqauy» jobasynyŋ maqsaty Prezidenttıŋ alǧa qoiǧan mındetterıne sai keledı.
Būl joba – Ortalyq Aziiadan kelgen jas ärı bolaşaǧy bar kreatorlardy anyqtau jäne qoldau üşın yŋǧaily platforma. Kreativtı industriialardyŋ damuyna jäne halyqaralyq yntymaqtastyqqa da jobanyŋ yqpaly zor.
«Global Nomads Awards 2024 şyǧarmaşyl jastar baiqauy» bırneşe nominasiialardan tūrady. Atap aitsaq, «Bolaşaq Olimpiada chempiondarynyŋ formasy», «Nomade Couture», «Inspired by Nature» jäne «Digital Nomad».
Jobaǧa qatysu tegın. Jülde qory – 2000 euro. Sonymen qatar är nominasiia jeŋımpazy naryqta köşbasşy atanǧan qazaqstandyq «Global Nomads» kiım brendımen bırlesıp kolleksiia jasai alady.
«Bolaşaq Olimpiada chempiondarynyŋ formasy» nominasiiasyna arnalǧan jülde – Polimoda institutynyŋ sän portfoliosyn jasauǧa arnalǧan ekı aptalyq qysqa kurs. Kurs vizualdy kommunikasiia jäne grafikalyq dizain daǧdylaryn damytady jäne studentterge özderınıŋ erekşe stilı men tūlǧasyn körsetetın käsıbi portfolio jasauǧa kömektesedı.
Sondai-aq joba aiasynda bılım beru blogy ıske qosyldy, mausym aiynyŋ soŋyna deiın globalnomadsawards.kz resmi saitynda ötınış qaldyruǧa bolady.
Jobanyŋ bırınşı mausymyna 5 elden 312 dizainer qatysyp, 1600-den asa jūmys ūsyndy. Ekınşı mausym odan da qyzyqty.
Şyǧarmaşyl jastar baiqauynyŋ ūiymdastyruşylary – QR Mädeniet jäne aqparat ministrlıgınıŋ qoldauymen «Creative&Innovation Institute» Ortalyq Aziiadaǧy tūraqty damu qoǧamdyq qory, Global Nomads kompaniiasy.
