Memleket basşysy Q.Toqaev 2021 jyly «Täuelsızdık ūrpaqtary» grantyn jas daryndardyŋ jaŋa jäne qoldanystaǧy bastamalaryn qoldau maqsatynda taǧaiyndaǧan bolatyn. Osy granttyŋ 2023 jylǧy iegerı Arailym Qadyr Astanada tūŋǧyş jäne jalǧyz «Kıtapaşar» bukinistık dükenın aşyp, armanyna qol jetkızdı, dep habarlaidy astana-akshamy.kz.
-Joba aiasynda bız kıtap oqudy nasihattaimyz, sondai-aq jergılıktı muzykanttar, aqyndar men jazuşylarmen kezdesuler ötkızudı közdeimız. Olarǧa är türlı şyǧarmaşylyq keşter ötkıze alatyn sahna ūsynǧymyz keledı. Basty maqsatymyz – astanalyqtardyŋ kıtap oquǧa degen qyzyǧuşylyǧyn arttyru jäne Astana qalasynda mädeni hab jasau. Sonymen qatar dükenımızde jergılıktı suretşılerdıŋ tuyndylaryn satylymǧa qoiudy oilastyryp otyrmyz. Adamdar mūnda qanşa äkep salady, sonşa kıtap alyp kete alady, – deidı A. Qadyr.
Grant aiasynda 63 adam öz jobasyn Qazaqstanda ǧana emes şetelde de türlı salalarda tabysty jüzege asyruda. Olardyŋ arasynda Qazaqstannyŋ mädeni mūrasyn nasihattauǧa, halyqtyq mädeni dästürler men önerdı ılgerıletuge, IT salasyndaǧy ǧylymi zertteulerdı, startaptar men jobalardy, ekonomikanyŋ negızgı sektorlaryndaǧy kreativtı biznes ideialardy ıske asyruǧa baǧyttalǧan joba ielerı bar.
