Astana qalasy Nūra audanynyŋ äkımdıgınde tūrǧyndardan «Halyq qatysatyn biudjet» baǧdarlamasyna ötınımder qabyldau bastaldy. Qala tūrǧyndarynyŋ ūsynysy 1 nauryzǧa deiın qabyldanady.
«Halyq qatysatyn biudjet» jobasy elordada 2019 jyldan bastap ıske asuda. Jyl saiyn Astanada baǧdarlama aiasynda 100-den astam aula jaŋartylady.
Baǧdarlama maqsaty – astanalyqtardyŋ ideialary men ūsynystary negızınde aulalarda kürdelı jöndeu ötkızu. Oǧan qatysu üşın joba avtorlaryna jöndeudıŋ boljamdy qūnyn körsetu, aulany abattandyrudyŋ eskizın/maketın, sondai-aq tūrǧyndardyŋ jalpy jinalysynyŋ hattamasyn jükteu jetkılıktı. Jobalyq ūsynystarda aulalardy kürdelı jöndeu, kögaldandyru, jaryqtandyru, oramışılık asfalttau jäne t. b. jūmystardy körsetuge bolady.
«Halyq qatysatyn biudjet» baǧdarlamasy 7 kezeŋnen tūrady: saraptamalyq keŋes qūru, ötınımderdı qabyldau, jobalyq ūsynystardy taldau, dauys beru, qorytyndylau, jūmys josparlaryn qūru jäne ıske asyru.
Biyl «Halyq qatysatyn biudjet» alǧaş ret Nūra audanynda bastau almaq.
Aita keteiık, aǧymdaǧy jyldan bastap tūrǧyndar eGov mobile qosymşasy arqyly jobalarǧa ötınış, dauys bere alady.
