Mäslihatta deputat retındegı jūmysymda men, negızınen, qalanyŋ äleumettık damuyna köp küş salamyn. Oǧan barlyq astanalyqtyŋ laiyqty ömır süruın qoldau mäselelerı, sonyŋ ışınde äleumettık ahualy tömen otbasylardyŋ jaǧdaiy, jailylyq pen qauıpsızdık deŋgeiın qamtamasyz etu boiynşa jūmystar jatady.
Men mäslihattyŋ äleumettık-mädeni komissiiasy qūramyndamyn, būl jerde bız apta saiyn atalǧan mäselelerdı qarap, qala tūrǧyndarymen kezdesemız, atqaruşy organdarǧa beruge ūsynystar äzırleimız. Astananyŋ basty erekşelıgı – onyŋ jyldam qarqynmen ösıp kele jatqany. Respublika boiynşa köşı-qon körsetkışı eŋ joǧarysy – elorda. Qazırgı taŋda qala halqynyŋ sany 1 mln 450 myŋ adamǧa jettı. Jyl saiyn elımızdıŋ tükpır-tükpırınen qalaǧa 50 myŋǧa juyq adam oquǧa, jūmys ısteuge köşıp keledı. Köşı-qonnyŋ mūndai qarqyny qalany josparlau jäne halyqty jaily, qauıpsız ömırmen qamtamasyz etude syn-qater tuyndatady. Sondyqtan jūmystyŋ mynadai baǧyttary deputattar jūmysynda basymdyqqa ie. Bırınşı mäsele – äleumettık qamsyzdandyru. Būl rette jūmysqa ornalastyruǧa kömek beru, jūmyssyzdar men eŋbek naryǧynda jūmys ıstemeitınderge jūmys tauyp beru – öte maŋyzdy mındet. Qazır Astanada jūmyspen qamtu organdarynda 4 myŋ jūmyssyz adam tırkeude tūr. Ekınşı mäsele – baspanamen qamtamasyz etu. Bügınde 50 myŋǧa juyq adam qalada üi kezegınde tırkelgen. Būl azamattar – qazırgı kezeŋde tamaqtanu, baspanaly bolu jäne bastapqy memlekettık qoldaudy qajet etetın tūrǧyndar. Üşınşı mäsele – äleumettık saqtandyrumen qamtamasyz etu. Bügınde medisina ūiymdarynda tırkelmegen 250 myŋ adam bar. Olar osy sebeptı tolyqtai medisinalyq kömek ala almaidy, olarǧa tek şūǧyl kömek qana qoljetımdı. Halyq sany ösken saiyn azamattardy bazalyq qyzmetter jäne basqa da igılıktermen qamtamasyz etudı uaqytyly baqylap, jūmyssyzdyq pen kedeilıktıŋ ösuıne jol bermeu kerek. Al otbasylar men balalar turaly aitqanda, mektepte orynmen qamtu mäselesı şyǧady. Soŋǧy bırneşe jylda būl mäsele deputattardyŋ ünemı baqylauynda. Däl qazır de būl mäsele ötkır tūr. Osy maqsatta aldaǧy jyldary 35 jaŋa mektep salu közdelude.
2021 jyldyŋ mamyr aiynan bastap «Damu bala» degen öte jaqsy baǧdarlama otbasy biudjetıne qosymşa jükteme tüsırmei, balalardyŋ jan-jaqty damuyn qamtamasyz etedı. Bügınde osy baǧdarlama şeŋberınde balalar üiırmeler men türlı şyǧarmaşylyq, sporttyq baǧyttaǧy seksiialarǧa barady. Būl baǧdarlama ūdaiy baqylaudy jäne ūsynylatyn qyzmetter sapasyn jaqsartyp otyrudy qajet etetındıkten, ol deputattardyŋ ünemı qadaǧalauyna alynǧan.
Jūmystyŋ kelesı baǧyty – «Jaily jäne qauıpsız qala». Halyq sanynyŋ jyldam ösuı tūrǧyn üi, jol, köpır salu, qoldanystaǧy infraqūrylymdy qaita qūrudy qajet etedı. Deputattar korpusy qalanyŋ bas josparyn, tūrǧyn üi qory renovasiiasy baǧdarlamasyn jäne basqa da qala keŋıstıgın damytu mäselelerın qarastyrady. Sonymen qatar apatty jäne eskı üilerdı būzu, tūrǧyndardy köşıru mäselesı de nazardan tys qalmaidy. Sailauşylarymyzdyŋ atynan şyǧa otyryp, bız, qalanyŋ qarqyndy ösuıne qaramastan, qalalyqtardyŋ jaily da qauıpsız jaǧdaimen qamtamasyz etıluıne bar jaǧdai jasauǧa ūmtylamyz.
Jeke öz basym halyqtyŋ negızgı qajettılıkterın qamtamasyz etu, mındettı gülzarlar pen parkter salu ısıne jetekşılık etemın. VI şaqyrylym kezeŋınde jüzege asqan paidaly jobanyŋ bırı – üilerge gaz tartu. Mäselen, Saryarqa audanynda 5000 jer üige gaz tartyldy. Bügınde būl tūrǧyndardyŋ arzan, qoljetımdı ärı qorşaǧan ortaǧa ziiany az otyndy qoldanuyna mümkındık beredı. Sondai-aq deputattar bastamasymen engen «Sergek» jobasyn atap ötkım keledı.
Ärine, būl qyzmettıŋ de öz qiyndyǧy bolady. Barlyq qolǧa alynǧan joba ūzaq uaqytqa sozylatyn talqylau men ūdaiy jetıldırudı qajet etedı. Osy rette menıŋ ötken şaqyrylymdarda deputat bolǧan kezdegı jinaǧan täjıribem jobalardyŋ bolaşaǧyn baǧalau jäne talqylau kezınde bıraz septık etedı. Bıraq soǧan qaramastan ärbır jaŋa joba saiyn qaitadan soǧan dendep enıp, müldem basqa mäselelermen ainalysuǧa tura keledı. Deputattyq qyzmet özıŋnıŋ negızgı jūmysyŋnan bölek ısterge qosymşa uaqyt pen küş saludy qajet etedı. Şynyn aitqanda, osy bır maŋyzdy mındetımdı atqaruda maǧan jaqyndarym men tuystarymnyŋ, ärıptesterımnıŋ tüsınıgı men qoldauy qatty kömektesedı.
Altynşaş TABULDİNA,
Astana qalalyq mäslihatynyŋ deputaty,
№5 qalalyq emhana direktory
