Elordadaǧy Abai Qūnanbaiūly atyndaǧy №87 mektep-gimnaziiada aqiyq aqyn Mūqaǧali Maqataevtyŋ tuǧan künıne orai ädebiet synşysy, halyqaralyq «Alaş» ädebi syilyǧynyŋ laureaty Amangeldı Keŋşılıkūlynyŋ «Mūqaǧali ǧasyry» kıtabynyŋ tanystyrylymy öttı.
Kıtaptyŋ tanystyrylymy syr-sūhbat formatynda örbıdı. Synşyǧa türlı sūraqtar qoiylyp, jauaptar alyndy. Aqiyq aqynnyŋ jyrlary oqylyp, öleŋderıne jazylǧan änder şyrqaldy, şyǧarmalarynan qoiylym körsetıldı.
Avtordyŋ aituynşa, Mūqaǧalidyŋ öleŋderımen ony mektep jasynda alǧaş ret Asqar degen dosy tanystyrdy. Odan köp ūzamai äkesı, körnektı aqyn Keŋşılık Myrzabekov aqiyq aqynnyŋ «Dariǧa-jürek» kıtabynyŋ negızınde sahnalanǧan qoiylymǧa apardy.
«Üige kele salysymen äkemnıŋ bölmesındegı kıtaptardy aqtaryp, Mūqaǧalidyŋ jinaǧyn ızdedım. Jazu üstelınıŋ tartpasynan ūly aqynnyŋ «Ömırdastan» degen taŋdamalysyn tauyp alǧanymda quanyşym qoinyma syimady. Ümıt pen küdık bır mezgılde köŋılımde oianyp, jüregım lüpıldep aqyn jyrlaryna üŋıldım. «Ömırdastandy» oqi bastaǧanymda aspannan tyrnalardyŋ tızbegı ūşyp ötıp, aulamyzdaǧy üilerdıŋ töbesıne qonǧandai bolǧan ǧajaiyp bır köŋıl küidıŋ besıgıne bölengenımdı bılemın. Aqynnyŋ köktemgı tabiǧattyŋ körkındei sūlu poeziiasy bozbala däurennıŋ jelıgımen qatqyldana bastaǧan jüregımdegı mūzdardy erıtıp, ızgılıktı sezımderımdı oiatqandai ma, qalai?! Al kıtapty soŋyna deiın oqyp şyqqanymda tas-talqanym şyǧyp, Mūqaǧalidan jeŋıldım. Ol menıŋ erkımdı bilep, oi-sanamdy jaulap aldy» deidı synşy.
Amangeldı Keŋşılıkūlynyŋ «Mūqaǧali ǧasyry» kıtaby ötken jyly Mädeniet jäne aqparat ministrlıgınıŋ «Jaŋa qazaq ädebietı» seriiasymen jaryq kördı.
«Abai qazaq aqyl-oiynyŋ alyp mūhity bolsa, Mūqaǧali – telegei teŋız sezımı. Abai halyq ruhynyŋ ottai janǧan jüregı bolsa, Mūqaǧali – janartaudai atylǧan jany. Bız Mūqaǧalidy oqyǧannan keiın adam baqytty bolu üşın aqylmen, jürekpen ǧana emes, janmen, sezımmen de ömır süruı kerek ekenın tereŋırek tüsıne bastadyq. Mūqaǧali ǧasyry bastalsa, būl qūbylystyŋ Abaidan keiıngı uaqyttaǧy poeziiadaǧy aşqan jaŋalyqtarymyzdyŋ zerttelıp, syn maqalalardyŋ, ǧylymi eŋbekterdıŋ, monografiialardyŋ jazyluyna mūryndyq bolady. Ötken ǧasyrdyŋ basynda ūly Abaimen bırge onyŋ aqyndyq ainalasy da jan-jaqty zerttelıp, artynda qalǧan asyl mūralarynyŋ qūndylyǧy salmaqtalǧany tarihtan mälım. Mūqaǧali ǧasyrynyŋ bastaluy da ruh aspanyn naizaǧaidai kürkıretıp, ädebiettıŋ altyn däuırın jasaǧan jyr alyptarynyŋ bız baiqamaǧan jaŋalyqtaryn körıp, bız boilamaǧan tereŋdıkterın aşuǧa mümkındık tuǧyzar edı» deidı synşy.
