Memleket üşın kez kelgen oŋ özgerıske qauıp töndıretın, ekonomikalyq ösuı men damuyndaǧy eŋ ülken kedergınıŋ bırı – sybailas jemqorlyq. Mūny makroekonomikalyq zertteuler körsetıp otyr.
Sybailas jemqorlyq ekonomikalyq damuǧa jüielı qauıp-qater tuǧyzyp qana qoimai, ūlttyq qauıpsızdıktıŋ, memleket pen qoǧam tūraqtylyǧynyŋ älsıreuıne äkep soǧatynyn bız esten şyǧarmauymyz kerek.
Elımızde sybailas jemqorlyqpen bailanysty nemese sybailas jemqorlyqqa jaǧdai tuǧyzatyn tärtıptık, äkımşılık jäne qylmystyq jauapkerşılıkke äkep soǧatyn ıs-äreketter «Sybailas jemqorlyqqa qarsy ıs-qimyl turaly» zaŋda, sondai-aq özge de zaŋdarda belgılengen.
Bügıngı taŋda sybailas jemqorlyqpen küres «Sybailas jemqorlyqqa qarsy ıs-qimyl turaly» zaŋ talaptarynyŋ aiasynda memlekettık apparattyŋ barlyq deŋgeiınde türlı baǧytta jürgızılude.
Aita keterlıgı, 2015 jylǧy 18 qaraşada qabyldanǧan atalmyş zaŋnamada sybailas jemqorlyqqa qarsy küres är memlekettık organnyŋ basşylary men qyzmetkerlerınıŋ jäne el azamattarynyŋ mındetı ekenı körsetılgen.
Audan äkımı retınde men osy qaǧidalardy, sondai-aq memlekettık qyzmetşınıŋ Ädep kodeksın basşylyqqa ala otyryp, qoǧam men halyq aldynda adal qyzmet etuge bolady dep nyq senımmen aita alamyn.
Apparat öz qyzmetı aiasynda osy bır jaǧymsyz qūbylyspen küresu üşın türlı şara men bastamany jüzege asyryp jatyr. Al audan äkımdıgınıŋ kezek küttırmeitın mındetınıŋ bırı – aşyqtyq pen jariialylyq üşın qolaily jaǧdai jasau. Osy maqsatqa jetu üşın qandai ıster atqarylyp jatyr degen sūraqqa toqtalsaq:
* bırınşıden, jüielı türde tekseruler jürgızıledı;
* ekınşıden, qarjylyq ıs-şaralar saraptalady;
* üşınşıden, äleumettık jelıler arqyly azamattardy aqparattandyrudyŋ tiımdı jüielerı engızılude.
Odan bölek, apparat sybailas jemqorlyqpen bırlesıp küresu üşın qoǧammen yntymaqtastyqqa den qoiyp otyr. Apparat qyzmetkerlerınıŋ qoǧam aldyndaǧy adaldyǧy men jauapkerşılıgın arttyru maqsatynda seminarlar men treningter ötkızıledı.
Audan äkımı apparaty jūmysynyŋ maŋyzdy bölıgı – azamattardyŋ ötınışın qarauǧa järdemdesu. Biyl audan äkımı retındegı jeke qabyldauyma 320-dan astam tūrǧyn qatysyp, 750-den astam mäsele qaraldy. Bız jeke kezdesude jäne äleumettık jelı arqyly äkımdıkke jügıngen audanymyzdyŋ är azamatynyŋ mäselesın tiımdı türde şeşıp beruge tyrysamyz.
Sondai-aq audanda jergılıktı biudjet qarajatyn bölu kezınde qarjyny basqaruǧa jäne baqylauǧa tūrǧyndardyŋ qatysuyna baǧyttalǧan «Halyq qatysatyn biudjet» respublikalyq konkursy jüzege asuda.
Osy jäne özge de ıster halyqpen tiımdı kerı bailanys qūruǧa jäne audanymyzda zaŋsyz äreketterdıŋ aldyn aluǧa baǧyttalǧan. Memleket bedelın nyǧaituda jäne halyq arasynda senımdı arttyruda joǧaryda atalǧan şaralar jiyntyǧynyŋ yqpaly orasan.
Asylbek ESENBAEV, Astana qalasy
Esıl audanynyŋ äkımı
