Elorda tūrǧyndaryna memlekettık qyzmet körsetu jūmysy öz deŋgeiınde jürıp jatyr. Memleket basşysy aitqandai, bilık būqaraǧa barynşa jaqyndap, şeneunıkter aldyna kelgen adamdardyŋ mäselesın kün qūrǧatpai şeşıp beruge tyrysuda.
Astana qalasy boiynşa «Azamattarǧa arnalǧan Ükımet» MK» KEAQ filialynyŋ direktory Mädi Sadanovtyŋ aituynşa, bas şaharda halyqqa qyzmet körsetu boiynşa 10 bölım jūmys ısteidı, olardyŋ 2-uı mamandandyrylǧan, 1-euı şeteldıkterge qyzmet körsetuge arnalǧan.
Mamandandyrylǧan halyqqa qyzmet körsetu ortalyqtary jürgızuşı kuälıgın beru, kölık qūraldaryn tırkeu, sondai-aq nömırlık belgılerdı beru boiynşa qyzmetter körsetedı.
Bügınde «Älem» jäne «Central Market» sauda ortalyqtarynda «Connection point» sektorlary aşylyp, şeteldık kölık qūraldaryn zaŋdastyruǧa qūjattar qabyldau bastaldy. Antikormen bırlesıp studentter men qoǧamdyq ūiymdardyŋ müşelerı arasynan sybailas jemqorlyqqa qarsy erıktıler qozǧalysyn damytu boiynşa jūmys jürgızılude. Erıktıler qozǧalysynyŋ ökılderı HQKO jūmysyna kedergı keltırmei, baqylauşy retınde jūmys ısteidı, monitoring jürgızedı.
Elımızde alǧaş ret elorda äkımdıgınıŋ bastamasymen jäne Qazaqstan Respublikasy Sybailas jemqorlyqqa qarsy ıs-qimyl agenttıgınıŋ qoldauymen «Astana – adaldyq alaŋy» jobasy aiasynda «iQala» qalalyq qyzmet körsetu ortalyǧy qūrylǧan bolatyn. QalaQyzmet jobasy özınıŋ tiımdılıgın körsettı. Ol halyqtyŋ kommunaldyq qyzmetterge jügınuın barynşa azaitty
Ministrlıkter üiınde memleket pen azamattar arasyndaǧy özara ıs-qimyldyŋ jaŋa ortasyn qūru üşın azamattardy qabyldau ortalyǧy jūmys ısteidı, onda onlain rejimde memlekettık qyzmetter körsetıledı. Sonymen qatar köpfunksionaldy käsıpkerlerge qyzmet körsetu ortalyǧy qūryldy, onda biznesmender men zaŋdy tūlǧalar «Atameken» ūlttyq palatasy men «Azamattarǧa arnalǧan Ükımet» memlekettık korporasiiasy arasyndaǧy yntymaqtastyqtyŋ arqasynda qarjylai emes qoldau şaralaryn ala alady.
Astana qalasy äkımdıgınıŋ iKomek109 monitoring jäne jedel äreket etu ortalyǧynyŋ basşysy Asqar Taksimov osy ortalyqta qalalyq beinebaqylau kameralary, ört söndıru jäne IT şeşımderın baqylau jüielerı bırıktırılgenın atap öttı. Būl ortalyq iKomek109 tırşılıktı qamtamasyz etu mäselelerı jönındegı bıryŋǧai bailanys ortalyǧynan jäne iKomek109 ahualdyq monitoring ortalyǧynan tūrady.
– iKomek109 qala aumaǧynda balabaqşalarda, mektepterde, emhanalarda jäne basqa da nysandarda ornalasqan 9 myŋnan astam beinebaqylau kameralaryna qosylǧan. Sondai-aq kameralar joldardy, qiylystardy, SOO, meşıtter, ırı avtobus aialdamalary, vokzaldar siiaqty adamdar köp jinalatyn oryndardy qamtidy. Qauıpsızdıktı neǧūrlym tiımdırek üilestıru jäne ortalyqtandyrylǧan monitoringtı qamtamasyz etu üşın iKomek109-dyŋ özınde Astana qalasy Polisiia departamentınıŋ qyzmetkerlerı ornalasqan, bırlesken qyzmet nätijesınde jyl basynan bırneşe qūqyq būzuşylyq anyqtalyp, olardyŋ bır bölıgı hattamamen resımdeldı, – dedı ortalyq basşysy.
Sondai-aq elımızde alǧaş ret elorda äkımdıgınıŋ bastamasymen jäne Qazaqstan Respublikasy Sybailas jemqorlyqqa qarsy ıs-qimyl agenttıgınıŋ qoldauymen «Astana – adaldyq alaŋy» jobasy aiasynda «iQala» qalalyq qyzmet körsetu ortalyǧy qūrylǧan bolatyn. QalaQyzmet jobasy özınıŋ tiımdılıgın körsettı. Ol halyqtyŋ kommunaldyq qyzmetterge jügınuın barynşa azaitty. Qyzmetterdı aludyŋ yŋǧailylyǧy qala tūrǧyndarynyŋ QalaQyzmet-te körsetıletın qyzmetterdı aluǧa degen sūranysyn arttyryp otyr.
«Bır tereze» qaǧidaty boiynşa qyzmet körsetu 3 täsılmen jüzege asady. Barlyq qyzmet onlain formatqa auystyryldy, elordaǧa (jasyl dälız) jük kölıgı üşın kıruge jäne şaǧyn orta biznes sektory üşın qala boiynşa jürıp-tūruǧa onlain ötınım beru servisı ıske asyryldy. Sondai-aq qyzmetter front-ofisterde tıkelei konsultasiia arqyly körsetıledı, qyzmetterdı Qazaqstannyŋ barlyq öŋırınde, sonyŋ ışınde SMS arqyly aluǧa bolady.
Astanada QalaQyzmet jobasy jüzege asqaly berı 700 myŋnan astam qyzmet körsetıldı. Onyŋ jūmysyn odan ärı damytu josparlanuda.
