Himiia jäne biologiia pänderınen respublikalyq olimpiada jeŋımpazdary marapattaldy
Bügın Astanadaǧy äl-Farabi atyndaǧy Oquşylar saraiynda himiia jäne biologiia pänderı boiynşa 7-8 synyptar arasynda respublikalyq olimpiadanyŋ jeŋımpazdary marapattaldy, dep habarlaidy astana-akshamy.kz
13 mamyrda bastalǧan olimpiadany «Daryn» respublikalyq ǧylymi-praktikalyq ortalyǧynyŋ qoldauymen, «Astana daryny» daryndy balalar men talantty jastardy anyqtau jäne qoldau ortalyǧy men «ZERDE-LIDER» bılım beru ortalyǧy bırlese ūiymdastyrǧan.
«Astana daryny» daryndy balalar men talantty jastardy anyqtau jäne qoldau ortalyǧynyŋ basşysy Janar Beisenbaevanyŋ sözınşe, atalǧan olimpiadaǧa elımızdıŋ 13 öŋırınen 100-ge juyq oquşy qatysty.
«Būl olimpiada üşınşı jyl qatarynan ötıp jatyr, al respublika deŋgeiınde ekınşı jyl ūiymdastyryldy. Basty maqsatymyz – oquşylardy kelesı jyly ötetın respublikalyq 9-11 synyp aralyǧyndaǧy olimpiadaǧa daiyndau. Būl bılım saiysy praktikalyq kezeŋımen erekşe. Sebebı basqa olimpiadalarda balalardyŋ tek teoriialyq bılımı tekserıledı. Qatysuşylarǧa keletın bolsaq, olimpiadaǧa elımızdıŋ 13 öŋırınen balalar qatysty. Onyŋ ışınde astanalyq oquşylar da bar. Atap aitqanda, är öŋırden 8 oquşydan, jalpy 98 oquşy özara synǧa tüstı», – dedı ortalyq basşysy Janar Beisenbaeva.
Ūiymdastyruşylardyŋ aituynşa, olimpiadanyŋ maqsaty – himiia jäne biologiia pänderın tereŋdetıp oquǧa oquşylardyŋ qyzyǧuşylyqtaryn arttyru, olimpiadalarǧa daiyndyq jüiesın joǧary deŋgeide jetıldıru jäne olimpiadalyq rezervtı qalyptastyru.
«Balalar arasynda būl pänderge degen qyzyǧuşylyq joǧary, sebebı himiia men biologiiaǧa qyzyǧuşylyǧy bar oquşylar bolaşaq därıger, mikrobiolog jäne bioinjener dep aituǧa bolady. Daryndy oquşylardy qoldauda ärqaşan demeuşılık kömek körsetıp jürgen älemdegı eŋ ırı mūnai kompaniiasy Exxon Mobil kompaniiasyna alǧysymyzdy bıldıremız. Būl kompaniia äleumettık jäne bılım beru jobalaryn belsendı türde qoldap keledı. Bügıngı qorytyndy jiynda üzdık oquşylar jäne jaqsy nätije körsetken komandalar da marapattaldy», – dedı Janar Beisenbaeva.
Jalpy olimpiada 2 kezeŋ boiynşa öttı. Bırınşı kezeŋ teoriialyq formatta ötse, ekınşı kezeŋde oquşylardyŋ praktikalyq bılımı şyŋdaldy. Praktikalyq tur himiia pänı boiynşa L.Gumilev atyndaǧy Euraziia ūlttyq universitetı bazasynda, biologiia pänınen Qadyr Myrza Älı atyndaǧy BINOM SCHOOL mektep – liseiınde öttı.
Olimpiadaǧa qatysqan elordalyq Nūrhat Maqsat bolaşaqta bioinjener boludy armandaitynyn aitady.
«Men būl olimpiadaǧa ekınşı jyl qatarynan qatysyp tūrmyn. Būl saiysqa komanda bolyp barlyǧymyz bırge daiyndaldyq. Basqa qalalardan kelgen oquşylar da myqty dep aita alamyn. Barlyǧy qyzyqty boldy», – dedı elordalyq oquşy.
Aita keteiık, jeŋımpazdar men jüldegerler «Daryn» respublikalyq ǧylymi-praktikalyq ortalyǧynyŋ I, II jäne III därejelı diplomdarymen jäne gramotalarymen, sondai-aq Exxon Mobil demeuşı kompaniiasy ūsynǧan baǧaly syilyqtarmen marapattalady. Olimpiadaǧa qatysqan barlyq oquşyǧa sertifikattar tabystalady.
