IIM esırtkı qylmysyna qarsy ıs-qimyl departamentı jäne onyŋ aumaqtyq bölınısterı jergılıktı atqaruşy organdardyŋ kömegımen Halyqaralyq naşaqorlyqqa qarsy küres künıne orai respublikalyq esırtkıge qarsy ailyqty ötkızdı, dep habarlaidy astana-akshamy.kz
Esırtkıge qarsy ailyq kezınde elımız boiynşa 5414 ıs-şara ötkızıldı, onyŋ ışınde 310 aksiia, 103 seminar, 427 därıs jäne 359 kezdesu, 113 döŋgelek üstel, 432 sporttyq jarys jäne turnir, 150 profilaktikalyq sipattaǧy konkurstar bar. Onyŋ 994-ı narkolog-därıgerlerdıŋ, 894-ı erıktılerdıŋ, 215-ı jergılıktı atqaruşy organdardyŋ qatysuymen, 425-ı ükımettık emes sektormen jäne 610-y bılım beru ūiymdarymen bırlesıp ötkızıldı. Atap ötu qajet, būl şaralar 280 myŋnan astam jasöspırım men jastardy qamtydy. Narkolog-därıgerler jäne salauatty ömır saltyn qalyptastyru ortalyqtary özektı mäseleler boiynşa azamattarǧa keŋester ūiymdastyrdy. Barlyq öŋırde ükımettık emes ūiymdarmen bırlesıp, esırtkı saittarynyŋ jarnamasy bar graffiti-jazulardy anyqtau jäne öşıru boiynşa jūmystar jürgızıldı. Oǧan 500-ge juyq erıktı qatysyp, 6 myŋnan astam graffiti boialdy, – dedı IIM esırtkı qylmysyna qarsy ıs-qimyl departamentı bastyǧynyŋ orynbasary Baqytjan Ämırhanov.
22 mausymda Astanada “Han Şatyr” sauda-oiyn-sauyq ortalyǧynda, sondai-aq Esıl özenınıŋ jaǧalauyndaǧy Amfiteatrda “Astana – esırtkısız qala!” aksiiasy ūiymdastyryldy. Oǧan qazaqstandyq estrada jūldyzdary men sport saŋlaqtary, vokaldyq jäne bi ūjymdary qatysty.
23 mausymda Almatyda “SADU ARENA” sport keşenınde IIM esırtkı qylmysyna qarsy ıs-qimyl departamentı greplingten halyqaralyq turnir ötkızdı. Oǧan Qazaqstan, Türkiia, Äzırbaijan, Qyrǧyzstan, Özbekstan jäne Täjıkstan elderınen myŋǧa juyq sportşy qatysty. Osyndai auqymdy ıs-şaralar 26-27 mausym künderı respublika boiynşa ötkızıldı.
Halyqaralyq naşaqorlyqqa qarsy küres künıne orai Işkı ıster ministrınıŋ qūqyǧymen jergılıktı atqaruşy organdar men azamattyq qoǧamnyŋ 110 ökılı gramotalarmen jäne alǧys hattarmen marapattaldy. Atalǧan ıs-şaralar respublikalyq būqaralyq aqparat qūraldarynda jariialandy. Jalpy 4259 jariialanym jasaldy. Onyŋ 462-sı aqparattyq agenttıkterde, 121-ı telearnalarda jäne 3676-sy Instagram, Facebook, YouTube jäne TikTok äleumettık jelılerınde. Barlyq materialdar IIM vedomstvolyq resmi paraqşalarynda da jariialandy. Mūndai ıs-şaralardy respublika kölemınde ötkızu jalǧasatyn bolady, – dedı Baqytjan Ämırhanov.
