Astanada immundau aptalyǧy ötude, dep habarlaidy astana-akshamy.kz
Düniejüzılık densaulyq saqtau ūiymynyŋ (DDŪ) Europalyq aimaqtyq biurosynyŋ bastamasymen soŋǧy 16 jyl ışınde (2005 jyldan bastap) jyl saiyn säuır aiynyŋ soŋynda immundau aptalyǧy ötedı.
Europalyq immundau aptalyǧy (EİA) – immundaudy nasihattaudyŋ tiımdı mehanizmı.
EİA-nyŋ maqsaty – halyqtyŋ immundauǧa nazaryn audaryp, onyŋ maŋyzdylyǧy turaly sauatyn arttyru. Sol arqyly vaksinasiialau deŋgeiın arttyru. Būl rette halyqtyŋ osal toptaryna erekşe nazar audarylady.
Aǧymdaǧy jyly būl aksiia 22-28 säuır aralyǧynda «Vaksina: ötken, qazırgı jäne bolaşaq ūrpaq üşın densaulyqty qorǧau» ūranymen ötkızıletın bolady.
Aksiianyŋ maqsaty – vaksinoprofilaktika mäselelerınde halyqtyŋ habardarlyq deŋgeiın arttyru, halyqty mındettı immundauǧa tartu, aqparatty terıs közqarastaǧy adamdarǧa, onyŋ ışınde ata-analarǧa, dıni konservatorlarǧa jetkızu jäne osylaişa jūqpaly aurulardyŋ aldyn aluǧa jäne adamdardyŋ densaulyǧyn saqtauǧa baǧyttalǧan vaksinoprofilaktikanyŋ tabystylyǧyn qamtamasyz etu.
Halyqtyŋ qarqyndy köşı-qon prosesterınıŋ qazırgı jaǧdaiynda endemiialyq elderden (Päkıstan, Auǧanstan, Täjıkstan) jabaiy poliomielit virusyn, qyzylşa virusyn, pandemiialyq tūmaudy jäne jūqpaly aurulardyŋ basqa da qozdyrǧyştaryn kez kelgen elge, onyŋ ışınde Qazaqstanǧa äkelu qaupı tūraqty.
Respublikada tūraqty epidemiialyq jaǧdai jasau üşın balalar men jasöspırımderge qyzylşaǧa, qyzamyqqa, poliomielitke qarsy bırneşe ret jappai qosymşa vaksinasiia jürgızıldı.
Är eldıŋ özınıŋ bekıtılgen Ūlttyq egu küntızbesı jäne halyq egetın jūqpaly aurulardyŋ tızımı bar. Sondai-aq, Qazaqstannyŋ Ükımet qaulysymen bekıtılgen egu küntızbesı bar. Qazaqstan Respublikasynda Vaksinasiia respublikalyq biudjet esebınen jüzege asyrylady.
Profilaktikalyq egulerdı keŋınen jürgızudıŋ arqasynda Astana qalasynda difteriia, sırespe, poliomielit, qūtyru siiaqty aurular tırkelgen joq, jekelegen vaksinamen basqarylatyn infeksiialar jekelegen jaǧdailar türınde tırkeledı.
Respublikada halyqty immundau üşın QR-da memlekettık tırkeu räsımınen ötken vaksinalar qoldanylady. 2013 jyldan bastap QR-ǧa äkelınetın vaksinanyŋ ärbır partiiasyn olardyŋ sapasy men qauıpsızdıgın baǧalai otyryp mındettı sertifikattau engızıldı.
Nelıkten immundau mäselelerıne köp köŋıl bölınedı?
Vaksinasiianyŋ arqasynda basqarylatyn infeksiialardyŋ örşu jiılıgı soŋǧy jyldary kürt tömendedı köptegen ata-analar da, densaulyq saqtau mamandary da vaksinanyŋ aldyn aluǧa adal. Vaksinalarǧa qatysty qoǧamdyq pıkırge ǧalamtorda, baspasöz betterınde vaksinasiianyŋ qajettılıgı turaly jariialanymdar äser etedı, iaǧni jekelegen jaǧdailarda immundau öz tabysynyŋ qūrbany boldy.
Sonymen qatar, vaksinasiia arqyly aldyn aluǧa bolatyn aurular jyl saiyn europa elderınde jas balalardyŋ edäuır sanyn öltıredı. Barlyq elderde osal jäne qol jetpeitın vaksinasiialanbaǧan populiasiialar bar, olar keiınnen jūqpaly aurulardyŋ örşuın tudyrady.
İmmundau jyl saiyn milliondaǧan adamdardyŋ ömırın saqtap qalady jäne būl tabysqa jetu kerek. Medisina qyzmetkerlerınıŋ aurulardyŋ qaupı men vaksinasiianyŋ paidasy turaly aqparatty halyqqa qoljetımdı tılde jetkızuı öte maŋyzdy.
Qazaqstanda barlyǧyna vaksinasiia tegın jürgızıledı,onyŋ ışınde basqa elderden kelgenderge de qoljetımdı. İmmundau aptalyǧy kezeŋınde qalada tūrǧylyqty mekenjai boiynşa tırkelmeuıne qaramastan, qalanyŋ aumaqtyq emhanasynda ekpe ala alady.
Bügıngı taŋda immundauǧa balama joq.
Bıraq keibır medisina qyzmetkerlerı būl mäselenı jergılıktı atqaruşy organdardyŋ, jūmys beruşılerdıŋ, būqaralyq aqparat qūraldarynyŋ kömegınsız şeşe almaidy.
Astana qalasynyŋ Sanitariialyq-epidemiologiialyq baqylau departamentı tūrǧyndardy öz densaulyǧyna qamqorlyq jasauǧa jäne profilaktikalyq egulerdı uaqtyly aluǧa şaqyrady!
