Elordalyq Jetısu saiabaǧynda jastarǧa arnalǧan «Jastar Talks» formatynda kezdesu öttı. Is-şaraǧa jurnalist jäne halyqaralyq jattyqtyruşy Mahabbat Esen, «Astana jastary» erıktılerı men qala jastary qatysty, dep habarlaidy astana-akshamy.kz.
Is-şarany Astana qalasy Jastar saiasaty mäselelerı basqarmasy jäne «Astana jastary» jastar resurstyq ortalyǧy ūiymdastyrdy.
«Būl kezdesu Jurnalister künıne orai ötıp jatyr, talqylau barysynda men öz täjıribemmen bölıstım. Jurnalistikada menıŋ 25 jyldyq täjıribem bar. Söilesu formaty jeŋıl jäne aşyq boldy. Özım bır-ekı saǧat būryn Germaniiadan oralǧanmyn, onda älemnıŋ tükpır-tükpırınen kelgen jurnalistermen bırge ǧalamdyq saitqa bardym. Al bügın bız jurnalistika men medianyŋ älemdık trendterı, sondai-aq bızdıŋ media qoǧamdastyqtyŋ nemen ainalysyp jatqany turaly äŋgımelestık. Jan-jaqty sauatty bolu kerek», – dedı Mahabbat Esen.
Is-şaraǧa qatysuşylarmen kezdesu barysynda jurnalistika salasyndaǧy zamanaui mäseleler jäne jasandy intellekttıŋ mediaǧa äserı talqylandy. Sondai-aq spiker Mahabbat Esen şabyt pen motivasiiany qalai aluǧa bolatyndyǧy turaly aitty.
«Bügıngı ıs-şara tanymdyq emes, motivasiialyq boldy. Spiker öz mamandyǧynyŋ qyr-syryn tüsındırdı. Jastardyŋ bolaşaq jūmysy turaly tüsınıgı boluy jäne olardyŋ qai jerde damyǧysy keletının anyqtai aluy üşın mūndai ıs-şaralar mındettı türde qajet ekenıne senımdımın. Būǧan deiın men Mäjılıs deputatymen saiasi sala turaly äŋgımelegen kezdesulerge qatystym. Bıraq bügın BAQ-pen kezdesuge qatysu da qyzyqty boldy», – dedı «Astana jastary» erıktısı Fedor Ermolenko.
«Astana Jastary» jastar resurstyq ortalyǧynyŋ mamany Alua Baltabaeva atap ötkendei, joba 2020 jyldan bastap jüzege asyryluda.
«Bügın bız Mahabbat Esenmen aşyq kezdesu ötkızdık. Būl ıs-şara jastarǧa qyzyqty dialogqa qatysuǧa mümkındık berdı», – dedı ol.
«Jastar Talks» jobasy älı de jalǧasady.
