Iohannesburg qalasyndaǧy «Hyatt House»-ta Qazaqstan Respublikasynyŋ Oŋtüstık Afrika Respublikasyndaǧy Elşılıgınıŋ ūiymdastyruymen biznes-seminar öttı. Is-şara el ekonomikasynyŋ negızgı salalaryndaǧy Qazaqstannyŋ investisiialyq äleuetın talqylauǧa arnaldy, dep habarlaidy astana-akshamy.kz.
Seminar tau-ken önerkäsıbı, auyl şaruaşylyǧy, IT jäne t.b. siiaqty salalardy ūsynatyn oŋtüstık afrikalyq käsıpkerlerdı bırıktırıp, pıkır, täjıribe jäne bılım almasu üşın bıregei alaŋ qūrdy.
Kezdesudıŋ basty maqsaty Oŋtüstık Afrika biznesınıŋ nazaryn Qazaqstannyŋ ekonomikalyq, sauda jäne investisiialyq mümkındıkterıne audaru boldy.
Seminar aiasynda Qazaqstannyŋ investisiialyq ahualynyŋ türlı aspektılerı qamtyldy. Qarjy, auyl şaruaşylyǧy, aqparattyq tehnologiialar, kölık, logistika, jasyl energetika jäne turizm siiaqty salalarǧa erekşe nazar audaryldy.
Qazaqstan Respublikasynyŋ Oŋtüstık Afrika Respublikasyndaǧy Elşısı Erkın Ahinjanov öz sözınde investisiialyq tartymdylyq, jai-küi jäne qolda bar jetıstıkter tūrǧysynan ärbır baǧytqa egjei-tegjeilı şolu jasady. Eldegı qolaily investisiialyq ahualdy qoldau jäne jaqsartu üşın memleket qabyldaǧan şaralar, şeteldık investorlar aldynda aşylatyn mümkındıkter turaly aityp berdı.
Oŋtüstık Afrika biznes-qoǧamdastyǧynyŋ ökılderı seminardy ūiymdastyrǧany jäne Qazaqstan men Oŋtüstık Afrika arasyndaǧy ıskerlık bailanystardy damytuǧa müddelılıgı üşın alǧys bıldırdı. Qatysuşylar mūndai kezdesuler qajettı aqparatty ılgerıletuge jäne özara tiımdı yntymaqtastyqty damytuǧa yqpal etetınıne kelıstı.
