«JOLTAP» jobasynyŋ arqasynda astanalyqtar tūraqty jūmys tauyp, qarjylyq jaǧdaiyn jaqsartyp, jaŋa mamandyqtar igerude, dep habarlaidy astana-akshamy.kz
Mūnda qatysuşylar sifrlyq jäne jūmysşy mamandyqtaryn oqyp, sertifikat alady. Osy uaqytqa deiın qatysuşylardyŋ bır bölıgı tehnikalyq mamandyqtardy igerse, endı bır bölıgı sifrlyq salanyŋ tılın meŋgerıp jatyr.
Solardyŋ bırı – elordalyq 30 jastaǧy Abylbek Sadyqov. Ol bıraz uaqyt qūrylysta jūmys ıstegen. Alaida keiın qysqartylyp, jūmyssyz qalǧan.
«Bır künı köşede ketıp bara jatyp osy joba turaly jarnamaǧa közıme tüstı. Sodan qaladaǧy «Barşaǧa mümkındık» moduldık punkterınıŋ bırıne baryp, dänekerleuşı salasy boiynşa tegın oqytu kursyna jazyldym. Qaŋtar aiynyŋ ortasynan keiın jazyldym, al oqytu aqpan aiynyŋ bas kezınde bastaldy», – dedı Abylbek Nūrseiıtūly.
Onyŋ aituynşa, bır aidyŋ ışınde būl mamandyqty meŋgerıp şyqqan. Sebebı sabaq kün saiyn ötkendıgın aitady.
«Oqytu kursy bır ai boldy. Kurs barysynda köptegen sūraqqa jauap aldyq. Barlyq närsenı täjıribe jüzınde körsetıp, üirettı. Topta adam köp emes. Sabaqtar öte qyzyqty jäne mazmūndy öttı», – dedı qatysuşy.
Qazırgı kezde ol qaladaǧy zauyttardyŋ bırınde dänekerleuşı bolyp jūmys ısteidı.
«Būl jobanyŋ köpke tigızer paidasy mol. Sebebı «JolTap» arqyly är adam jaŋa mamandyq igere alady, bolmasa bılıktılıgın arttyrady. Bastysy jūmys ısteimın degen är adamǧa būl jaqsy mümkındık», – dedı Abylbek Sadyqov.
Talai adamǧa mümkındık berıp, jūmys ısteuge jaǧdai jasaǧan būl joba Astana qalasy äkımdıgınıŋ bastamasymen jüzege asyp otyr. Jobaǧa 18-50 jas aralyǧyndaǧy kez kelgen elordalyq qatysa alady. Negızgı maqsat – astanalyqtardyŋ tabysyn arttyruǧa jaǧdai jasau, sol arqyly elordalyqtardyŋ äleumettık jaǧdaiyn jaqsartudy jolǧa qoiu.
