Astana qalasy äkımdıgınıŋ bastamasymen elordada «Joltap» äleumettık jobasy ıske asyrylyp jatyr. «Barşaǧa mümkındık» 10 moduldık punktınde qala tūrǧyndary 52 memlekettık qoldau şaralary boiynşa keŋes ala alady. Sonymen qatar jūmysqa ornalasuǧa jäne 12 mamandyq boiynşa qysqa merzımdı oquǧa jazyluǧa mümkındık bar.
Būl joba qala tūrǧyndaryna jūmyspen qamtu şaralarymen qamtu arqyly kırısterdı arttyru mümkındıgımen järdemdesuge baǧyttalǧan. Jūmyssyzdarǧa, NEET jastaryna, ışkı migranttarǧa, halyqtyŋ äleumettık osal toptarynyŋ sanattaryna kömek körsetuge erekşe köŋıl bölınedı. Joba belsendı täsılderdı bırınşı orynǧa qoiyp, 3 jyl ışınde ıske asady.
Joba bastalǧaly 4 aida 5400 azamat kömek aldy. Atap aitqanda, 850 adam äkımdık basqarmalaryna mikrobiznes aşu üşın granttar men mikrokreditter aluǧa ötınım berdı. «Jumys tap» Telegram-boty jäne joba serıktesterıne tıkelei joldama arqyly 750-den astam qala tūrǧyny jūmysqa ornalasty.
Joba aiasynda 2 qysqa merzımdı oqytu baǧdarlamasy ıske qosyldy. Bırınşı baǧdarlama naubaişy, barista, satuşy-kassir, qoǧamdyq tamaqtandyrudyŋ ämbebap qyzmetkerı, tıgınşı siiaqty jūmys mamandyqtary boiynşa praktika daǧdylaryn qamtamasyz etuge arnalǧan. Ekınşı baǧdarlama – «Freelance mumkindik». Būl sifrly daǧdylardy oqytu: target, SMM, beinemontaj, marketpleis, mobilografiia, grafika dizainy jäne veb-dizain. Atalǧan baǧdarlamalar boiynşa jyl soŋyna deiın 700 adam bılım alyp, olarǧa sertifikat berıledı. 3 jyl ışınde 30 myŋnan astam azamat jūmysqa ornalasu daǧdysyn igeredı.
Jobanyŋ bırlesken operatory – «Jaŋa sezım» qoǧamdyq qory. Joba biznes ökılderı men jūrtşylyq arasynda keŋ qoldau tapty. Atap aitqanda, jobany «Integra Construction KZ» JŞS, «BI Group», «Halyq» qaiyrymdylyq qory, «Astana «ÄKK» AQ, «Sensata», «NAK», «Tumar Group», PİK «Astana Iýtariia LTD», «SF qazaqstandyq dämdı taǧamdar jelısı», Magnum jäne t. b. qoldady.
Joba bastalǧaly 4 aida 5400 azamat kömek aldy. Atap aitqanda, 850 adam äkımdık basqarmalaryna mikrobiznes aşu üşın granttar men mikrokreditter aluǧa ötınım berdı. «Jumys tap» Telegram-boty jäne joba serıktesterıne tıkelei joldama arqyly 750-den astam qala tūrǧyny jūmysqa ornalasty
– «Joltap» jobasy öz ısın aşudan bastap jūmysqa ornalasu üşın praktika daǧdysyn aluǧa deiın jūmyspen qamtudyŋ barlyq şarasyn qamtidy. Elordanyŋ jūmyssyz tūrǧyndary özektı sifrly jäne jūmys daǧdysyn qysqa merzımdı oqytu, joba serıktesterıne jūmysqa ornalasu, qoldanystaǧy memlekettık qoldau şaralary şeŋberınde kömek alu arqyly kırısterdı arttyruǧa mümkındık alady. Tūtastai alǧanda, «Joltap» jobasy memleket, biznes jäne qoǧamnyŋ tyǧyz yntymaqtastyǧy kezınde qūrylǧan halyqqa mümkındıkter beru jönındegı tiımdı ekojüienı bıldıredı. Jobany ıske asyruǧa qoldau körsetkenı üşın serıktesterımızge raqmet! – dedı Astana qalasy äkımınıŋ keŋesşısı, «Joltap» jobasynyŋ jetekşısı Dana Jünısova.
Tegın konsultasiialar «Barşaǧa mümkındık» moduldık punktterınde myna mekenjailar boiynşa jürgızıledı:
* «Mechta» SÜ, Syǧanaq köşesı, 3;
* «Big Şanhai», Alaş tasjoly, 32A;
* «Vstrecha» SÜ, Abylai han daŋǧyly, 31;
* «Ailand» SOO, Qorǧaljyn tasjoly, 2;
* «Tūlpar» SO, Ş.Uälihanov köşesı, 24;
* «Euromall» SÜ, Ş.Qosşyǧūlūly köşesı, 24;
* «Saianūr» bazary, N.Tılendiev daŋǧyly, 24/5;
* «Magnum» supermarketı, Edıl köşesı, 26;
* Jastar saraiy, Respublika daŋǧyly, 34;
* «Aziia park» SOO, Qabanbai batyr daŋǧyly, 21.
Moduldık punktter kün saiyn jäne demalyssyz jūmys ısteidı.
