Astanada «JOLTAP» jobasy jüzege asyp jatyr, dep habarlaidy astana-akshamy.kz
Joba jūmyssyz azamattarǧa jūmys tabuǧa jäne qarjylyq jaǧdaiyn jaqsartuǧa mümkındık beredı. Bügıngı taŋda joba aiasynda 2 myŋnan astam astanalyq türlı mamandyq boiynşa oqytu kurstarynan öttı.
Elordanyŋ 32 jastaǧy tūrǧyny Äbılmansūr Baianhan «JOLTAP» jobasyna deiın özın türlı salada synap körgen. 7 aidan astam uaqyt konditer aspazşysy bolyp jūmys ısteptı, endı 3 aidan berı barista bolyp jür.
«Men «Baǧdarlamaşy» mamandyǧy boiynşa bılım aldym. Alaida, jihaz salasynda 8 jyldan astam jūmys ıstedım. Ötken jyly men tamaqtanu salasyna auysqym keldı jäne konditerlık boiynşa jūmys taptym. 7 ai konditer bolyp jūmys ıstegennen keiın konditerlık kofehana aşqym keldı», – deidı astanalyq.
Ol «JOLTAP» jobasy turaly bılıp, barista mamandyǧy boiynşa oqu turaly şeşım qabyldaǧan.
«Men joba turaly kütpegen jerden bıldım. Qala köşelerınde «Barşaǧa mümkındık» moduldık punkterı men konsultasiialyq ortalyqtardy kördım. Sodan baǧdarlama turaly, onyŋ mümkındıkterı turaly bılıp, jaŋa mamandyqty igeru turaly şeşım qabyldadym. Ūsynylǧan 14 käsıptıŋ ışınen «Barista» baǧytyn taŋdap, öz maqsatyma jol aştym», – deidı sūhbattasuşy.
Bır aptanyŋ ışınde ol käsıbi barista daǧdylaryn igerıp, jūmysqa kırısıp kettı.
«Barista mamandyǧy öte qyzyqty jäne özektı. Oqudy aiaqtaǧannan keiın jūmys ızdep, qabyldaularǧa bara bastadym. Bırneşe kofehanaǧa jügındım jäne törtınşı künı ekeuınen jauap keldı. Qazır men üş aidan berı barista bolyp jūmys ıstep, tabys tauyp jürmın», – dedı Äbılmansūr Baianhan.
Aituynşa «JOLTAP» qala tūrǧyndary üşın öte qajet joba. Ol astanalyqtarǧa mamandyǧyn auystyryp qana qoimai, süiıktı ısımen de ainalysuǧa mümkındık beredı.
«Köptegen adam baǧdarlama turaly keŋınen bıle alady, özderı üşın qyzyqty salany taŋdai alady jäne bolaşaqta tıptı öz ısın aşa alady. Joba elordanyŋ ärbır tūrǧyny üşın qoljetımdı mümkındıkter beredı», – dedı ol.
Joba aiasynda yŋǧaily oqytu üşın qajettı barlyq zattarmen jabdyqtalǧan jekelegen oqu synyptarynda jürgızıledı. Ötu merzımı – üş künnen bır aiǧa deiın.
Būl jobaǧa 18-50 jas aralyǧyndaǧy astanalyqtar qatysa alady. Soŋynda tülekterge sertifikattar berıledı.
