Ötken jyldyŋ qyrküiek aiynan bastap ıske qosylǧan «JOLTAP» äleumettık jobasy künı bügınge deiın nätijelı jalǧasyp jatyr. Sonyŋ arqasynda astanalyqtar qysqa merzımdı baǧdarlamalar arqyly belgılı bır käsıp türıne tegın oquǧa mümkındık aldy. Elorda äkımdıgınıŋ bastamasymen qolǧa alynǧan joba aiasynda memlekettık qoldau şaralary, atauly äleumettık kömek, biznes aşuǧa qūjattardy resımdeu jäne jūmys tabu üşın keŋes berıledı, dep habarlaidy astana-akshamy.kz.
«JOLTAP» jobasy aiasynda qala tūrǧyndary ekı qysqa merzımdı baǧdarlama boiynşa tegın bılım ala alady. Bırınşı baǧdarlama naubaişy, barista, satuşy-kassir, qoǧamdyq tamaqtandyrudyŋ ämbebap qyzmetkerı, tıgınşı siiaqty 5 jūmysşy mamandyǧyn oqytuǧa arnalǧan. Ekınşı baǧdarlama – «Freelance mümkındık» dep atalady, būl 7 sifrlyq daǧdylardy oqytudy ūsynady. Olar: targetolog, SMM, videograf, marketpleis menedjerı, mobilograf, grafikalyq dizainer jäne veb-dizainer.
Jobaǧa qatysyp, kurs oqyp, öz käsıbın qolǧa alǧandardyŋ bırı – Ǧamzat İmanmaǧzamov.
«Men «JOLTAP» jobasynda internet sauda baǧdarlamasy boiynşa kurstan öttım. Ūstazymyz kursty öte keremet ötkızdı. Sabaqtan soŋ oi tuyp, üidegılerge internet arqyly sauda jasauǧa bolatynyn aittym. Bügınde Qytaidan tapsyrys jasap, tauar tosyp otyrmyz. Tauarymyz kelgennen kein marketpleiske şyǧamyz degen josparymyz bar. Osylaişa internet-saudanyŋ qyr-syryn üirendık. Osyndai mümkındıktıŋ közın nūsqap, tabys tabudyŋ jolyn körsetken jobaǧa, ūstazymyzǧa alǧysym zor. Aldaǧy künde otbasymyzben oilaǧan ısımızdı jüzege asyramyz degen senımdemız», – deidı joba qatysuşysy Ǧamzat İmanmaǧzamov.
Eŋ bastysy, elorda tūrǧyndary üşın oqytu tegın. Oqu merzımı baǧdarlamaǧa bailanysty on kündık kurstan bır jarym aiǧa deiıngı uaqyt aralyǧynda.
Sondai-aq qysqa merzımdı oqytu baǧdarlamalary 18-50 jas aralyǧyndaǧy Astana tūrǧyndary üşın qoljetımdı. Oqu aiaqtalǧannan keiın qatysuşylarǧa sertifikat berıledı. Qazırgı uaqytta oquşylar arasyndaǧy negızgı sanattyŋ 60%-dan astamy – 35 jasqa deiıngı jūmyssyz tūrǧyndar.
«JOLTAP» äleumettık jobasy aiasynda jügıngenderdıŋ 1200-ge juyǧy halyqtyŋ äleumettık osal toptaryna jatady.
Joba turaly būdan da keŋırek aqparatty qala tūrǧyndary «Barşaǧa mümkındık» moduldık punkterınen ala alady.
