Elordada jūmyssyz qala tūrǧyndarynyŋ jūmys tauyp, qarjylyq jaǧdaiyn jaqsartuǧa mümkındık beretın «JOLTAP» jobasy jürıp jatyr, dep habarlaidy astana-akshamy.kz.
Bügınde joba aiasynda 2 myŋnan astam elordalyq türlı mamandyqtar boiynşa oqytu kurstarynan ötken. Al oqytu baǧdarlamalary eŋbek naryǧynyŋ sūranystaryna süiene otyryp jasalǧan. Mäselen elordalyq Nūrsūltan Teltaev joba aiasynda «Mobilografiia» kursyn aiaqtap, bügınde tabys tauyp jür.
28 jastaǧy qala tūrǧyny «JOLTAP» jobasyna deiın aspazşy bolyp tabys tapqan. Bıraq densaulyǧyna bailanysty jūmysyn auystyruǧa tura kelgen.
«Mobilografiiany meŋgermei tūryp, 6 jyl boiy aspazşy bolyp jūmys ıstedım. Sol uaqytta da video tüsıruge degen qyzyǧuşylyǧym boldy. Al naryqta oǧan üiretetın kurstar aiyna 300-350 myŋnan bastalady. Bıraq ondai mümkındıgım bolǧan joq. Keiın densaulyǧyma bailanysty jūmys ornyn auystyruyma tura keldı. Osylaişa qala köşelerınde ornalasqan punkterdıŋ bırıne kırıp, 14 mamandyqtyŋ ışınen «Mobilografiia» kursyn taŋdadym», – deidı Nūrsūltan Teltaev.
Elorda tūrǧyny 11 kün ışınde smartfon arqyly sändı foto men videolardy tüsırudı jäne ony montajdap, daiyn kontent jasaudy üirengen. Kursty tämamdaǧanyna bır aidan asa uaqyt ötse de, 4 joba boiynşa jūmys ıstep ülgerıptı.
«Kurs barysynda bastapqy mobilograf mamanyna qajet barlyq kerek-jaraq türlerı aitylyp, tüsırılım täsılderı üiretıldı. Bızdıŋ oqytuşymyz osy salanyŋ myqty mamany deuge bolady. Bız 11 kün ışınde ädemı video tüsırıp, ony montajdaudy üirendık. Oqu aiaqtalǧannan keiın sertifikat berıldı. Men bırden tapsyrys alyp, mobilograf retınde tabys taba bastadym. Mäselen kursty bıtırgenıme 1,5 ai bolyp qaldy. Osy aralyqta 4 jobadan ūsynys tüsıp, jalpy 500 myŋ teŋgeden asa tabys taptym. Avtoūiymdar men biznes-forumdardan video tüsırdım. Osy qysqa aralyqta mobilografiia salasy arqyly türlı adamdarmen tanystym», – deidı elordalyq jıgıt.
Mobilograf Nūrsūltan Teltaevtyŋ sözınşe, «JOLTAP» jobasy jūmyssyz jandarǧa ülken mümkındık beredı.
«Qazırgı taŋda jastardyŋ jūmysqa ornalasuy problemaǧa ainalyp kettı deuge bolady. Sol sebeptı «JOLTAP» jobasy halyqqa naǧyz kerek joba dep sanaimyn. Qalamyzda jūmysqa ornalasuǧa mümkındık beretın joba bar ekenın bılmeitınder bar. Jūmyssyz jürgen jandar tegın mamandyqty igerıp, keiın jūmysqa tūryp jatsa jetıstık emes pe?! Jaqynda basqa da qalalarda aşylady dep estıdık, būl halyqqa berılıp otyrǧan ülken mümkındık. Özım ärqaşan özgelerge «JOLTAP» jobasynyŋ mümkındıkterın aityp jüremın. Joba ūiymdastyruşylaryna alǧysymdy bıldıremın», – deidı Nūrsūltan Teltaev.
Aita keteiık, qatysuşylardyŋ taŋdauyna 14 mamandyq ūsynylǧan. Al oqytu baǧdarlamalary mamandyqqa bailanysty 2 aptadan 1 aiǧa deiın barynşa qysqa merzımde praktikalyq daǧdylardy meŋgeruge baǧyttalǧan.
