Baiqoŋyr audanynyŋ äkımı Talǧat Rahmanberdı audan aumaǧyndaǧy käsıpkerlerdı qabyldady.
– Käsıpkerlermen kezdesu osydan keiın de jalǧasyn tabady. Iаǧni är aptanyŋ särsenbı künı ūiymdastyrylady. Audan äkımınıŋ qabyldauyna käsıpkerlermen qosa, investorlar da keldı. Sondai-aq elordalyq basqarmalar, Käsıpkerler palatasynyŋ ökılderı de boldy. Kezdesudıŋ maqsaty – audan töŋıregındegı käsıpkerler mäselelerın şeşu, – dedı Baiqoŋyr audany käsıpkerlerdı qoldau bölımınıŋ basşysy Raiymbek Aitjan.
Baiqoŋyr audanynyŋ äkımı Talǧat Rahmanberdı kezdesude 7 ırı, orta jäne şaǧyn käsıpkerlık subektı ökılderınıŋ mäselelerın tyŋdap, şeşu joldaryn ūsyndy. Olardyŋ bırı käsıpkerlık jobalarynyŋ tehnikalyq mäselelerınıŋ oŋ şeşım tabuyna jergılıktı äkımdıktıŋ yqpal etuın sūrasa, bırı käsıpkerlıkke arnalǧan jer aumaǧyna qatysty dauly mäselelerdıŋ törelıgın aitudy sūrady.
Şyny talşyqty qūbyrlardy şyǧaru jäne satumen ainalysatyn serıktestık ökılı käsıpke ǧana emes, tūrǧyndar qozǧalysy üşın de kedergı keltırıp tūrǧan jol mäselesın köterdı.
– Men äkım qabyldauynda Jetıgen, H.Dosmūhamedūly, A.Puşkin köşelerınde kölık qozǧalysy köp ekenın aittym. Būl joldarmen jük kölıkterı de, basqa qoǧamdyq jäne jeŋıl kölıkter de qatynaidy. Tolassyz kölık qozǧalysy keptelıster tuǧyzyp, jolauşylardyŋ ūzaq uaqytyn alady. Mäselenı şeşu üşın sol jerde joldy taryltyp, kedergı keltırıp tūrǧan eskı jylytu qūbyrlaryn kesu nemese jer astymen jürgızu mäselesın ūsyndym. Baiqoŋyr audany äkımı eskı jylytu qūbyrlaryn jer astymen jürgızu qymbatqa tüsetının, oǧan äzırge mümkındık joq ekenın aitty. Alaida būl mäsele kün tärtıbı boiynşa şeşıluı tiıs mäselelerdıŋ qataryna endı, – dedı «Amitech Astana» JŞS-tıŋ kommersiialyq direktory Arman Äubäkırov.
Būdan keiın de kökeitestı mäselelerdı kötergen käsıpkerlerge audan äkımı men basqarma ökılderı oŋtaily şeşımderın ūsyndy.
Saltanat Mūratqyzy
