Astanada küzetşısı ūiyqtap jatqan qonaq üidıŋ kassasynan 1 mln teŋgege juyq aqşa ūrlandy, dep habarlaidy astana-akshamy.kz. Būl turaly Polisia.kz. jazdy.
Astana qalasy PD Esıl audany PB kriminaldyq polisiia qyzmetkerlerı jedel-ızdestıru ıs-şaralaryn jürgızu barysynda qonaq üi kassasynan 1 mln 52 myŋ teŋge ūrlady degen küdıkpen 28 jastaǧy qala tūrǧynyn anyqtady.
Belgılı bolǧany, er adam tüngı uaqytta oŋai olja ızdep jürıp, esıgı aşyq qonaq üidı baiqaǧan.
«Küdıktı ışke kırgende küzetşı men äkımşınıŋ ūiyqtap jatqanyn körıp, kassadan qomaqty somada qolma-qol aqşa oralǧan pakettı jasyryn alyp ketken. Ūrlanǧan aqşanyŋ jartysyn ol öz keregıne jaratyp ülgergen», — delıngen habarlamada.
Atalǧan faktıge qatysty qylmystyq ıs qozǧaldy. Er adam moiyndau körsetpelerın berdı.
Sondai-aq onyŋ elorda aumaǧynda jasalǧan ūrlyqtyŋ taǧy ekı faktısıne qatysy bary anyqtaldy.
