1994 jylǧy 6 şıldede Qazaqstan Respublikasynyŋ Tūŋǧyş Prezidentı Nūrsūltan Nazarbaev Joǧarǧy Keŋestıŋ jalpy otyrysynda kütpegen ūsynys jasaǧany esımızde.
«…Sızderdıŋ qaraularyŋyzǧa respublikanyŋ ömırıne, äsırese aldaǧy bolaşaǧy üşın asa maŋyzdy mäselenı – elımızdıŋ astanasyn köşıru turaly mäselenı qoiǧaly tūrmyn. Almaty täuelsız memlekettıŋ talaptaryna qazırdıŋ özınde-aq jauap bere almaidy. Sondyqtan menıŋ tapsyrmam boiynşa memlekettıŋ jaŋa astanasynyŋ ornalasatyn jerın anyqtau maqsatynda respublikanyŋ küllı aumaǧy egjei-tegjeilı tekseruden ötkızıldı. 32 parametr boiynşa jürgızılgen saraptama barlyq nūsqalardyŋ ışınde eŋ dūrysy Aqmola ekenın körsettı» degen edı sonda Nūrsūltan Äbışūly.
Bıraq eldıŋ bärı būl ūsynysty qoldai qoimaǧany da boldy. Joǧarǧy Keŋestıŋ deputattary qyzu aitys-tartystan keiın Prezidenttıŋ ūsynysyna qoldau bıldırdı.
Endı bügın qarap otyrsaq, sol kezde qabyldanǧan şeşımnıŋ dūrystyǧy anyq bolyp körınedı. Menıŋ oiymşa, būl tek qana el ışındegı aituly oqiǧa ǧana emes, ülken strategiialyq şeşım bolǧany sözsız. Ainaldyrǧan 25 jyldyŋ ışınde būrynǧy Aqmolamyz törtkül dünie köz tıkken Astanamyzǧa ainaldy. Qazır qazaqtyŋ elordasyn bükıl älem bıledı.
Öz basym osy qalanyŋ baiyrǧy tūrǧynymyn, sondyqtan jas elordamyzdyŋ qalyptasu kezeŋındegı oqiǧalardy jaqsy bılemın. Ömır boiy ūstazdyq etıp kelemın. Astananyŋ köşırıletını turaly jaŋalyqty aqmolalyqtar ülken quanyşpen ärı ümıtpen qabyldaǧan edı. Bärı de astana märtebesımen bırge qalaǧa, jalpy öŋırge jaŋa tırşılık keledı dep küttı. Ärine, solai boldy da.
Uaqyt alǧa ozǧan saiyn jaŋa astanamyz halqymyzdy bırıktırıp, toptastyrdy. Qazaqstandyqtar öz astanasyn bükıl el bolyp bırge saldy. Qala qūrylystarynda elımızdıŋ barlyq öŋırlerınen jüzdegen qūrylysşylar, merdıgerlık ūiymdar kelıp jūmys ıstedı. Şeteldık kompaniialar zäulım ǧimarattardy saluǧa üles qosty. Jalpy, Astanaǧa qonys audaruşylardyŋ negızgı bölıgı 1997 jyldyŋ küzınde kele bastaǧan edı. Älı esımde, 1997 jylǧy 8 qaraşada Aqmolaǧa memlekettık rämızder etalondary jetkızılgen bolatyn. Sonda bız de, barşa qazaqstandyqtar da jaŋa astananyŋ bolatynyna şübäsız sengen bolatyn. Qūdaiǧa şükır, bar qazaqtyŋ bas qalasyna, Otanymyzdyŋ jüregıne, täuelsızdıgımızdıŋ tıregıne ainalǧan Astana – bärımız üşın maqtanyş, märtebe. Sondyqtan ärbır otandasymdy elordamyzdy maqtan tūtuǧa, aialauǧa, asqaqtatuǧa şaqyramyn. İä, sol bır qystyŋ künı jüregımızdı jylytqan astananyŋ köşıp kelgen künınen berı qanşa uaqyt ötse de ärbır aqjoltai oqiǧalar oidan ketpeidı eken. Sondai esten ketpes oqiǧanyŋ bırı ärine, 1997 jyldyŋ 10 jeltoqsany ekenı sözsız. Öitkenı osy künnen bastap Qazaqstannyŋ jaŋa elordasy – Astananyŋ tarihy bastaldy.
Ospan SÜLEIMENŪLY,
Qazaqstan oqu-aǧartu ısınıŋ üzdıgı, zeinetker
