Bas prokuratura ökılderı memleket paidasyna 375 mlrd teŋgeden asatyn aktivter qaitarylǧanyn mälımdedı, astana-akshamy.kz
Qadaǧalauşy organ qazırgı uaqytta eldegı bır myŋnan astam jäne şeteldegı 150-den astam mülık obektılerı turaly mälımetter taldanyp jatqanyn habarlady.
«Būǧan qosa taǧy 600 mlrd teŋgenıŋ baǧaly qaǧazdary qamtylǧan. Elımızde 200-den astam jäne şetelde 140 bank şottary anyqtaldy. 2 trln teŋgege juyq küdıktı tranzaksiialar tekserılıp jatyr», – delıngen habarlamada.
Osy jūmystyŋ nätijesınde premer-ministrdıŋ basşylyǧymen komissiia 325 mlrd teŋgeden astam somaǧa aktivterdı memleketke qaitaru turaly kelısımder men talap qoiulardy maqūldady, onyŋ ışınde 272 mlrd teŋge teŋgerımındegı aqşalai qarajat qaitarylǧan. Vedomstvo mälımetınşe, qarajat maŋyzdy äleumettık jäne ekonomikalyq jobalardy ıske asyruǧa baǧyttalady.
«Sondai-aq elımızdegı jäne şeteldegı qūny 50 mlrd teŋgeden asatyn aktivter memleketke berıldı. Olardyŋ ışınde bırqatar strategiialyq ken oryndary, monopolistık kompaniialar, ondaǧan myŋ gektar jer, sondai-aq öndırıs obektılerı, qonaq üiler, biznes ortalyqtary, villalar, päterler, sändı kölıkter, zergerlık būiymdar jäne taǧy basqalar. Būdan basqa, tızılımnıŋ keibır subektılerı öz erkımen jalpy qūny 30 mlrd teŋge bolatyn joǧary tehnologiialyq investjobalardy ıske asyruǧa mındetteme aldy. Olardyŋ ışınde qūbyrlar, qaptamalar, himiialyq, azyq-tülık jäne t.b. önımderdı şyǧaratyn öndırıs obektılerı. Osylaişa, kemınde 300 jaŋa jūmys ornyn qūru josparlanuda, jyldyq salyq tölemderı 1 mlrd teŋgeden astam boluǧa tiıs», – dep habarlady qūzyrly organ ökılderı.
Bas prokuratura aqparaty boiynşa, aktivterdı qaitaru prosesınıŋ taǧy bır maŋyzdy bölıgı — äleumettık jobalardy ıske asyru. Mäselen, Tızılımdegı tūlǧalar öz erkımen qyzmetterın erekşe qajettılıkterı bar adamdar jäne basqa da äleumettık osal toptar tegın paidalana alatyn, qūny 5 mlrd teŋgeden asatyn zamanaui mädeni-aǧartu ortalyǧyn salynuǧa mındetteme aldy.
Bas prokuratura ökılderı būǧan qosa 11 mln AQŞ dollarynan astam qarjyny, sondai-aq 400 mln teŋge somasyna zergerlık būiymdar men mädeni qūndylyqtardy mäjbürlep qaitaru turaly sot şeşımı qabyldanyp, küşıne engenın atap öttı.
Jalpy, 2022 jyldan bastap ekonomikany demonopolizasiialau şaralaryn qosa alǧanda jalpy somasy şamamen 1,7 trln teŋgenıŋ aktivterı, onyŋ ışınde şetelden 750 mln AQŞ dollary memleketke qaitarylǧan. Qūzyrly organ ökılderı būl baǧytta jūmystar jalǧasyp jatqanyn mälım ettı.
