«Kümıs erıktılerdıŋ» körkem syilyǧy
![](https://astana-akshamy.kz/wp-content/uploads/2024/05/331f50fd-e653-4157-a2da-efe6009a4beb-780x470.jpg)
Elordanyŋ Nūra audanynyŋ «Belsendı ūzaq ömır süru» ortalyǧynyŋ «Kümıs erıktıler» toby Halyqaralyq balalardy qorǧau künıne orai Astana qalasy äkımdıgınıŋ «Jansaia» äleumettık qyzmet körsetu ortalyǧynda ūiymdastyrylǧan «Baqytty balalyq şaq» atty qaiyrymdylyq aksiiasyna qatysty.
Astana qalasynyŋ Jūmyspen qamtu jäne äleumettık qorǧau basqarmasy memlekettık mekemesıne qarasty «Jansaia» äleumettık qyzmet körsetu ortalyǧy üi jaǧdaiynda psihonevrologiialyq patologiiasy bar, tırek-qimyl apparaty būzylǧan mügedektıgı bar balalarǧa jäne psihonevrologiialyq aurulary bar balalarǧa, sondai-aq jartylai stasionar jaǧdaiynda nauqastarǧa oŋaltu qyzmetterın körsetedı.
Izgı ıs-şarany Nūra audany «Belsendı ūzaq ömır süru» ortalyǧynyŋ bölım meŋgeruşısı Mūrat Temırbūlatov aşyp, balalardy merekesımen qūttyqtap, söz söiledı. Ortalyqtyŋ janynan jaŋa qūrylǧan «Armandastar» ansamblı de öz önerlerın körsetıp balalalarǧa köterıŋkı köŋıl-küi syilady. Sonymen qatar demeuşılerdıŋ qoldauymen alynǧan syilyqtaryn balalarǧa tabys ettı.
– Qaiyrymdylyq aksiiasy öz deŋgeiınde öttı. Ata-analary da balalarymen bırge quanyp, rizaşylyqtaryn aityp jatty. Kümıs erıktılerdıŋ belsendılerı ärbır säbidıŋ basynan sipap bolsa da, äjelık meiırım körsettı. Qoldaryna syilyǧyn ūstatyp, bır quantty, – deidı Nūra audany «Belsendı ūzaq ömır süru» ortalyǧynyŋ jappai jūmystar ūiymdastyruşysy Läzzat Öteǧūlova.
Is-şara soŋynda Astana qalasy äkımdıgınıŋ «Jansaia» äleumettık qyzmet körsetu ortalyǧynyŋ direktory Amanbai Erdäulet rizaşylyǧyn bıldırıp, «Kümıs erıktıler» tobyn Alǧys hatpen marapattady.
Iŋkär BAIǦABYL,
L.Gumilev atyndaǧy
Euraziia ūlttyq universitetınıŋ studentı