Elordalyq belsendı ardagerler qatarynda abyroimen özınıŋ bererı bar, ortada orny bar, aq jaulyqty qazaqtyŋ jurnalistika maidanynda älı künge deiın käsıbi mamandyǧyn adal oryndap jürgen Qazaq radiosynyŋ diktory, qoǧam qairatkerı Moldahmetova Küläş Käilanqyzy mereilı 75 jasqa tolyp otyr.
Küläş Moldahmetova 1948 jyly 10 jeltoqsan Qostanai oblysy Amankeldı audanynda düniege kelıp, 1967 jyly Qyzylorda qyzdar pedagogikalyq uchilişesın bıtırgennen keiın Baiǧabyl orta mektebınıŋ bastauyş synyptaryna mūǧalımdık eŋbek jolyn bastap, 1974 jyldan jaŋadan aşylǧan Torǧai oblystyq radiosyna diktor bolyp qyzmet atqaryp «Kümıs kömei Küläş» atandy. Elu jyl radio diktory boldy.
Torǧai oblysy jabylǧannan keiın 1997 jyldan Astanada Qazaq radiosyna diktorlyq qyzmetın jalǧastyrdy. Astananyŋ ösıp-örkendeuın köz aldynan ötkızdı.
Mūnda da qoǧamdyq jūmystarǧa belsene aralasyp, bügınde Qazaqstan Respublikasynyŋ «Ardagerler ūiymy» Ortalyq keŋesınıŋ jäne Astana qalasynyŋ ardagerler ūiymynyŋ janyndaǧy mediatobynyŋ müşesı, qoǧamdaǧy belsendı ardagerlerınıŋ bırı Küläş Käilanqyzy mereitoiyn elordada bala-şaǧasy men nemerelerınıŋ qūttyqtauyn qabyldap, ärıptesterımen jaŋa belesın qyzyqtauda.
Qazırgı taŋda Qazaq radiosynda jūmysyn jalǧastyryp, «Şalqar» radiosynan habar oqyp, radio tyŋdauşylardyŋ rizaşylyǧyna bölenude.
Qoǧamdyq atqaratyn jūmystary Astana qalalyq Assambleiasy janyndaǧy analar keŋesınıŋ müşesı, QR Ūlttyq kıtaphanada balalarǧa ertegı oquşy, kompozitor Bolat Hamzin atyndaǧy şyǧarmaşylyq üiınıŋ körkemsöz oqu şeberı, qalalyq tıl basqarmasynyŋ müşesı, aita bersek, belsendılıgı bır basyna jetetındei qoǧam qairatkerı, bırqatar qūrmettı ataqtardyŋ iegerı – Moldahmetova Küläş Käilanqyzy.
Bükıl radio tyŋdarmandarynyŋ ışındegı säbilerdıŋ süiıktı ertegı äjesı de özıŋızsız. Sızdıŋ kümıs dauysyŋyzdy tanymaityn pende joq şyǧar. Olar malyn örıske aidap, jäimen efirden konsert baǧdarlamasyn kütken qoişy, egın alqabynda qara terge tüsıp, bır sättegı demalysyn sızdıŋ şeberlıgıŋızben oqyǧan öleŋderıŋızdı süisıne tyŋdaityn dihanşylar, jai jolauşynyŋ özı säl radiodan äsem äuenmen ündesken dausyŋyzdan ataqty aqyn-jazuşylardyŋ, atap aitsaq, QR Eŋbek Erlerı Mūhtar Şahanovtyŋ pen Baqtyqoja Izmūhambetovtyŋ, Mūqaǧali Maqataevtyŋ, qazaq qyzdarynyŋ ışınen şyqqan Halyq jazuşysy Fariza Oŋǧarsynovanyŋ şyǧarmalaryn Sızdıŋ oquyŋyzben estıgende keremet älemge tūnatyny da beker bolmas. Dauysyŋyzdyŋ sänın keltırıp, adamnyŋ ışkı düniesındegı sezımdı ädemı jetkızıp, tyŋdauşyny erıksız radionyŋ aldyna bailap qoiatyn qasietıŋız daryǧan erekşe jansyz. Tyŋdata da bılu, ol da diktordyŋ körkemsöz oqudaǧy orny erekşe şeberlıgı emes pe?! Sızdıŋ bar bailyǧyŋyz qasietıŋızben bıtken dauysyŋyzdyŋ özı osy ǧoi!
Uaqyt degen zymyrap ötıp jatyr. Osy jasqa kelgenşe taǧdyr jolynda kezdesken qanşama tosqauylǧa tötep berıp, qaşanda jeŋıske jete bılgen mūndai jetıstıgıŋızdıŋ de tereŋ sebebı bar dep oilaimyz.
Küläş Käilanqyzy temırqazyqtai qalpyŋyzdan taimai, ömırdıŋ qyzyǧyna kenelıp jüre berıŋız!
«Qarapaiym ömır sürgen jan jüz jasaidy» degen danalardyŋ sözı bar. Osynau qarapaiym oidyŋ astarynda meiırımdı, jüregı taza, qinalǧan sätte qol ūşyn beruge daiyn tūratyn, Qūdaidan qorqatyn qanaǧatşyl da imandy adam turaly qanşama tüsınık jatyr deseŋızşı?! Sol meiırımdı jürektıŋ iesı asa qūrmettı Küläş Käilanqyzy sızdıŋ de sondai madaqqa laiyq qarapaiym ömır süretın jannyŋ bırısız!
Astana qalasynyŋ Ardagerler ūiymynyŋ beldı Plenum müşesı retınde qoǧamdyq saiasi ahualdyŋ damuyna da üles qosudasyz. Elordalyq tyl jäne eŋbek ardagerlerınıŋ mereitoilaryn eskerıp, ünemı qūttyqtau tılek pen muzykalyq än-şaşu arnap efirden jariialap otyrasyz, ol da – ülken adami qasietıŋızdıŋ erekşelıgı. Elge degen eren eŋbegıŋız eselene bersın!
Qūrmettı Küläş Käilanqyzy, özıŋızge mereilı üş jiyrma besıŋızge sätı kelgende aialap ösırgen ūrpaǧyŋyzben quanyşyŋyz keŋınen jaiylsyn, ǧūmyrly bolyŋyz degen tılek arnaimyz!
Izgı nietpen, Astana qalasynyŋ
Ardagerler keŋesı
Raihan RAHMETOVA
