2024-2026 jyldary elordada mädeniet salasyna qosymşa 1 mlrd 984 mln teŋge qarjy bölu közdelıp otyr, dep habarlaidy astana-akshamy.kz
Būl turaly Astana qalasy ekonomika jäne biudjettı josparlau basqarmasynyŋ basşysy Qaisar Maŋqaraev mälım ettı.
Elordanyŋ qoǧamdyq keŋes otyrysynda Astana qalasynyŋ 2024-2026 jyldarǧa arnalǧan biudjetıne özgerıster engızu mäselesı qaraldy.
«2024 jyldarǧa arnalǧan tüsımder boiynşa jospardy 105 mlrd teŋgege ösımımen qaita qarau ūsynylady. Onyŋ ışınde salyq tüsımderı 95 mlrd teŋge, salyq emes tüsımder 4 mlrd 789 mln teŋge jäne negızgı kapitaldy satudan tüsetın tüsımder boiynşa 4 mlrd 940 mln teŋgege qaita qaraudy qajet etedı. Şyǧystar boiynşa Jūmyspen qamtu jäne äleumettık qorǧau basqarmasyna merdıgerlık tölemderge, äleumettık tölemderdı aluşylar sanynyŋ ūlǧaiuyna bailanysty jäne mügedek jandardy äleumettık qoldauǧa, 2400 adamǧa üidı jöndeuge jäne basqa da äleumettık qoldaularǧa jalpy somasy 5 mlrd 595 mln teŋge qarajat közdelıp otyr», – dep baiandady Qaisar Maŋqaraev qoǧamdyq keŋes aldynda.
Odan bölek, basqarma basşysy Mädeniet basqarmasyna 2 mlrd-qa juyq qarajat sūrap otyr.
«Mädeniet basqarmasyna memlekettık şyǧarmaşylyq tapsyrysty ıske asyruǧa, «Mäŋgılık el» saltanat qaqpasynyŋ kütımıne, vedomstvolyq baǧynysty mekemeler men mädenie ūiymdarynyŋ kürdelı şyǧystaryna qosymşa 1 mlrd 984 mln teŋge qarjy bölu közdelıp otyr», – deidı ol.
