23 mausym – Memlekettık qyzmetşıler künı. Biyl elımızde käsıbi mereke on bırınşı ret atalyp ötedı. Aituly künnıŋ tarihy Bırıkken Ūlttar Ūiymynan bastau alady. 2002 jyldyŋ 20 jeltoqsanynda Bırıkken Ūlttar Ūiymynyŋ Bas Assambleiasy 23 mausymdy Bırıkken Ūlttar Ūiymynyŋ memlekettık qyzmetşısı künı dep jariialau qararyn qabyldap, oǧan müşe är memlekettı de osyǧan bailanysty bır kündı belgıleuge şaqyrdy. Eŋbegı tereŋ bılıktılıktı, ülken jauapkerşılık pen tözımdılıktı talap etetın maman ielerın mereke qarsaŋynda sözge tartyp, atqaryp jatqan jūmystary men memlekettık qyzmet jaily oi-pıkırın sūrap bıldık.
Chotoiakov Meiram Bazarūly, QR Qarjy ministrlıgınıŋ Memlekettık kırıster komitetınıŋ Astana qalasy boiynşa Memlekettık kırıster departamentınıŋ Kedendık baqylau basqarmasynyŋ kedendık baqylau bölımınıŋ basşysy: – Memlekettık qyzmetke jūmysqa ornalasu būl bala küngı armanym edı. Sol armanym maqsatqa ainalyp, alǧaş Astana qalasy boiynşa Kedendık baqylau departamentınıŋ kadr jūmysy bölımınıŋ aǧa mamany bolyp memlekettık qyzmetke keldım.
Bügınde mansaptyq modeldıŋ negızgı postulaty bolyp tabylatyn meritokratiia qaǧidaty boiynşa basşy lauazymyna taǧaiyndaldym.
Jalpy qoǧam üşın, halyq üşın sapaly qyzmet körsetu – ärbır memlekettık qyzmetşınıŋ mındetı.
Kez kelgen memlekettıŋ jetıstıgı men güldenuı memlekettık qyzmetşılerdıŋ tiımdı jäne käsıbi jūmys jasap, qyzmet etuımen negızdeledı.
Halyq senımı memlekettık qyzmetşınıŋ memlekettık qyzmettı qanşalyqty sapaly körsetkendıgıne qarap nyǧaiady.
Adam jeke tūlǧa retınde özın-özı ünemı jetıldırıp, alǧa ūmtyluy qajet. Būl rette, qai salada eŋbek etsek te, keiın soŋymyzdan ülgı bolarlyqtai ıs qaldyrǧanymyz jön.
Kün ötken saiyn memlekettık qyzmetşılerge qoiylar talap ta, jükteletın jauapkerşılıktıŋ auqymy da keŋeiıp keledı. Memlekettık qyzmettegı ärbır adam öz jūmysynyŋ barlyq maŋyzdylyǧyn sezıne bılıp, elımızdıŋ damu tarihynda öz ızımızdı qaldyruymyz qajet.
Alimova Jaina Aliqyzy, QR Memlekettık qyzmet ısterı agenttıgınıŋ Astana qalasy boiynşa departamentınıŋ äkımşılık jūmys jönındegı bas mamany: – Mamandyq taŋdau – ärbır adamnyŋ ömırındegı maŋyzdy şeşımderdıŋ bırı ekenı sözsız. Ötken jyldan bastau alǧan memlekettık qyzmetke ırıkteudıŋ jaŋa pilottyq jobasy arqyly baǧymdy synap, bügıngı taŋda memlekettık qyzmetker atanyp otyrmyn. Būl öz kezegınde adami faktordy joia otyryp, aşyqtyq, ädıldık qaǧidattaryna negızdelgen memlekettık qyzmetke kırudıŋ aşyq körınısı dep oilaimyn.
Būl jūmys maǧan täjıribe jinauǧa, jauapkerşılıktı arttyru, şeşım qabyldaudy üirenu, ūqyptylyq, mūqiiattylyq sekıldı jäne jeke qasietterdı damytudy üirettı. Jas qyzmetker bola otyryp, elımnıŋ alpauyt memlekettermen iyq teŋestıre aluyna qyzmet etıp jürgenıme, özımnıŋ tamşydai bolsyn septıgımnıŋ tiıp jürgenıne quanamyn. Menıŋ oiymşa, memlekettık qyzmetker – eldıŋ müddesı üşın öz küşın, uaqytyn aiamai eŋbek etetın tūlǧa. Elge qyzmet etu, memlekettık qyzmettı atqaru būl – ülken jauapkerşılık. Öz elımnıŋ güldenu jolynda qyzmet etu – men üşın ülken maqtanyş jäne abyroi. Jüktelgen mındetterdı adal atqaru arqyly elımızdıŋ körkeiuıne tamşydai üles qosyp jürgenımdı maqtan etıp aita alamyn. Sonymen qatar, özımnen keiıngı jastardyŋ da, jeke bas müddesın ǧana emes, elımızdıŋ bolaşaǧyn bırge qalyptastyru üşın memlekettık qyzmettı taŋdaularyna öz keŋesımdı beremın. Sebebı jarqyn bolaşaq qalyptastyru – jastardyŋ qolynda dep senım bıldıremın. Memlekettık qyzmet būl – menıŋ taŋdauym, būl – menıŋ jolym!
Janatbek TÖREHAN, Astana qalasynyŋ İnvestisiialardy tartu jäne syrtqy ekonomikalyq qyzmet bölımınıŋ bas mamany: – Jastar – qoǧamnyŋ qozǧauşy küşı ǧana emes, eldıŋ tıregı, memlekettıŋ belsendı bölıgı. Täuelsızdıgımızdı nyǧaityp, elımızdı damytu – qazırgı jastardyŋ basty mındetı. Bügıngı taŋda täuelsız eldıŋ jalyndy jastaryna memleket tarapynan jyl saiyn barynşa qoldau körsetıp, türlı baǧdarlamalar jüzege asuda.
Memlekettık qyzmetke qolaily jaǧdailar jasauǧa baǧyttalǧan bırqatar zaŋnamalyq bastamalar turaly, onyŋ ışınde memlekettık qyzmetke ırıkteudıŋ jaŋa jüiesı arqyly ornalasu mümkındıgı turaly estıp, qazırgı taŋda memlekettık qyzmettıŋ bır salasyn tızgındep otyrmyn. Memlekettık qyzmet būl – memleket pen halyq arasyndaǧy qatynasty bailanystyruşy köpır jäne otansüigıştıktıŋ beinesı bolyp tabylady. Memlekettık qyzmetker tek jūmys ornynda ǧana emes, sonymen qatar, qoǧam arasynda da özın ülgı retınde körsetıp, memlekettık qyzmettıŋ bedelın oŋ jaǧynan körsetuı qajet.
Elımızdıŋ jastaryna memlekettık organdardaǧy konkurstarǧa qatysuǧa qoryqpauǧa keŋes beremın. Halyq arasyndaǧy barlyq jaǧdailardy elemei, özderıŋızge, öz küşterıŋızge senıŋızder. Otanymyzdyŋ bolaşaǧy – jastar bolyp tabylady. Al qazır elımızde jastarǧa özderın körsetuge köp mümkındık berılıp otyr. Sızderdıŋ daryndaryŋyz ben joǧary belsendılıkterıŋız arqyly Prezidentımız Q.Toqaev aitqan «Jaŋa Qazaqstandy» bırge qūruǧa şaqyramyn.
QR Memlekettık qyzmet ısterı agenttıgınıŋ Astana qalasy boiynşa departamentı
