Astanada 3-12 qaŋtar aralyǧynda Parlament deputattary sailauşylarmen köşpelı jūmys ıs-şaralaryn ötkızıp jatyr.
Astana qalasy boiynşa №2 sailau okrugınen Mäjılıs deputaty bolyp sailanǧan Däulet Tūrlyhanov aldymen ärıptesterımen bırge taiauda ıske qosylǧan № 3 su sorǧy-süzgı stansasynyŋ jūmysymen tanysty.
«Būl stansa soŋǧy jyldary oryn alǧan su tapşylyǧy mäselesın oŋtailandyruǧa septıgın tigıze bastady. Qazır onyŋ quaty 105 tekşe metr su qoryn qūrap otyr. Sonymen qatar «Astana su arnasy» käsıporny qoimasynan su qūbyry ıske qosylǧan, būl da qalany täulıgıne qosymşa 90 myŋ tekşe metr sumen qamtamasyz etuge mümkındık beredı. Su mäselesı qaşanda özektı sanalady. «Sudyŋ da sūrauy bar» dep tegın aitylmaǧan ǧoi. Sondyqtan bärımız de sudy paidalanudy, iaǧni ünemdeudı üirenuımız kerek. Būl şaruaşylyq nysandarǧa da, jeke adamdarǧa da qatysty mäsele dep tüsınemın. Eŋ bastysy, elordada su mäselesıne bailanysty jūmystar tyŋǧylyqty jürgızılıp jatyr. Su mäselesı – strategiialyq mäsele ekenıne Memleket basşysy Qasym-Jomart Toqaev erekşe maŋyz berıp, nazarynda ūstaidy» dedı Mäjılıs deputaty Däulet Tūrlyhanov.
Köşpelı jūmys ıs-şaralary aiasynda deputat Syrdariia, Kültegın jäne Jangeldin köşelerı qiylysyndaǧy jeke sektor tūrǧyndarymen arnaiy kezdesuge bardy. Būl jerde ondaǧan jyldardan berı LEP elektr baǧanalary problemasy oryn alǧan. Atap aitqanda, joǧary voltty elektr baǧanalary tūrǧyndardyŋ densaulyǧyna qauıp tuǧyzyp keledı. Osy maŋaida tūratyn adamdardyŋ türlı jaman aurularǧa şaldyǧuy kürt ösken. Tıpten, atadan balaǧa deiın sozylmaly auruǧa şaldyǧu derekterı bar. Bır top tūrǧyndar Däulet Bolatūlyna därıgerlık anyqtamalaryn körsetıp, būl problemanyŋ tüiını bır şeşılmei qoiǧanyn baiandap berdı. Tūrǧyndarmen kezdesuge Baiqoŋyr audanynyŋ äkımı Talǧat Rahmanberdı, osy audandaǧy üilerdı süru, tūrǧyndaryn baspanamen qamtamasyz etuge jauapty «Gorodskaia nedvijimost» KMK mekemesınıŋ basşysy Aleksandr Strochkov, Amanat partiiasynyŋ jauapty qyzmetkerlerı qatysty.
«Būl problema ondaǧan jyldarǧa sozylyp keledı. Bız üşın eŋ basty mäsele, adamdardyŋ densaulyǧy bolyp tūr. Osy maŋaidyŋ adamdary äuletımen sozylmaly aurularǧa şaldyǧady. Äsırese, obyrmen, iaǧni rakpen auyratyndar jyldan jylǧa köbeiıp barady. Sonyŋ bärı osy elektr baǧanalaryna qatysty bolyp tūr. Äsırese, küz-köktem kezderınde ziiandy äserı meilınşe sezıledı. Adamdardyŋ auruy uşyǧyp ketedı. Al osy baǧananyŋ mäselesın şeşetın eşkım bolmai tūr. Qalalyq mekemelerge aitylady, al odan ärı mäsele şeşılmeidı. Bıren-saran üiler sürıledı. Sonymen bärı toqtaidy. Däulet Bolatūly deputat retınde byltyrdan berı osy mäselege nazar audaryp kelesız, sızge rahmet aitamyz. Endı osy problemany tübegeilı şeşuge yqpal etuıŋızdı sūraimyz» dedı kezdesuge kelgen tūrǧyn Gülden Ziiadina.
Öz kezegınde D.Tūrlyhanov osy maŋaidaǧy üilerdıŋ problemasyn şeşuge, iaǧni süruge, tūrǧyndardy baspanamen qamtamsyz etuge jauapty «Gorodskaia nedvijimost» JŞS basşysy A.Strochkovqa aǧymdaǧy män-jaidy aityp, tüsındırıp beruın sūrady. Serıktestık basşysy bolsa kelısımşarttar jasap jatyrmyz, qolda bar mümkındıkke qarai üilerdı sürudı jürgızemız dep jauap qatty. Tūrǧyndardyŋ talap-tılekterın tyŋdap alǧan deputattyŋ serıktestık basşysyna «Aitqandaryŋyz boiynşa qūjattaryŋyz bar ma, bolsa körsetıŋızşı?» degen saualyna serıktestık basşysy qūjattardyŋ bolmauyna bailanysty naqty jauap bere almady.
Tūrǧyndar, audan äkımdıgı, Amanat partiiasynyŋ jauapty qyzmetkerlerı, tūrǧyn alabynda oryn alǧan problemany şeşuge jauapty käsıporyn mamandary qatysqan kezdesude tyŋdalǧan, talqylanǧan mäselelerdı Däulet Tūrlyhanov tüiındedı.
«Būl problema şynymen de özektı bolyp sanalady. Öitkenı būl jerdegı eŋ basty mäsele adamdardyŋ densaulyǧyna qatysty bolyp otyr. Al densaulyq – adamnyŋ basty qūndylyǧy, sondyqtan jaqyn arada äkımdık aiasynda osy mäselenı kün tärtıbıne qoiyp jinalys ötkızudı ūsynamyn. Jiynǧa qala äkımdıgı, prokuratura, basqa da memlekettık organdardyŋ ökılderı, sonymen qatar osy problemany basynan keşıp otyrǧan tūrǧyndar şaqyryluy kerek. Sol jerde otyryp jan-jaqty talqylap baryp, bır naqtyly şeşımge keluge tiıspız» dedı Mäjılıs deputaty Däulet Tūrlyhanov.
Öz kezegınde audan äkımı Talǧat Rahmanberdı jiyndy jaqyn arada ūiymdastyratynyn jetkızdı.
Sonymen qatar deputat D.Tūrlyhanov osyǧan deiın de bırneşe ret barǧan, qūrylysy ūzaqqa sozylyp ketken №12 mekteptıŋ qūrylys barysyn taǧy bır körıp şyqty. «Kirpichnyi» atalyp ketken audanda ornalasqan būl mekteptıŋ tezırek paidalanuǧa berıluı öte maŋyzdy bolyp tūr. Öitkenı osy mekteptıŋ ornynda bolǧan eskı mekteptıŋ oquşylary qalanyŋ basqa mektepterınde oquǧa mäjbür bolyp jür. Būl öz kezegınde oquşyǧa da, olardyŋ ata-analaryna da qosymşa äleumettık qiyndyqtar tuǧyzyp otyrǧany sözsız. Qūrylysty jürgızuşı kompaniia ökılderı jaŋa mektep jaqynda paidalanuǧa berıletının aitady.
Köşpelı jūmys barysynda deputat D.Tūrlyhanov №1 avtobus parkı, «Astana kögaldandyru qūrylysy» käsıporny jūmysşylarymen, №5 mektep-gimnaziia jäne №27 mektep-liseiı ūjymdarymen de kezdesu ötkızıp, aǧymdaǧy mäselelerdı talqylady.
Deputattyŋ jūmys kestesınde taǧy bırqatar käsıporyndarda kezdesu ötkızu josparlanǧan.
