«Taza Qazaqstan. Astana – tazalyq pen tärtıptıŋ ülgısı» ekologiialyq aksiiasy aiasynda Baiqoŋyr audanynyŋ ömırlık jaǧdaiy qiyn balalardy qoldau ortalyǧynyŋ aumaǧynda mäslihat deputattarynyŋ qatysuymen sanitarlyq tazartu jürgızıldı, dep habarlaidy astana-akshamy.kz
Direktordyŋ mındetın atqaruşy Aiagöz Näbieva arnauly äleumettık qyzmetterge mūqtaj balalardy qoldau ortalyǧyna negızınen jetım balalar men ata-anasynyŋ qamqorlyǧynsyz qalǧan balalar tüsetının aitty.
«Sonymen qatar bızge zorlyq-zombylyq körgen balalar, sondai-aq deviantty mınez-qūlqy bar balalar keledı. Bügınde ortalyqta 70 adam tırkelgen, onyŋ 44-ı tūraqty jäne 36-sy uaqytşa tūratyndar. Būl ata-analary ata-ana qūqyǧynan aiyrylǧan balalar jäne ortalyqta zaŋdy ökılderı joq adamdar. Bügıngı senbılıkke bız qonaqtardy-qalalyq mäslihat ökılderın şaqyrdyq, öitkenı olardyŋ balalarymyzben bırge jasyl jelekterdı (qiiar men qyzanaq köşetterın) otyrǧyzuǧa jäne aumaǧymyzdy jinauǧa qatysqanyn qalaimyz. Qalalyq mäslihatpen bırlesken jūmys tūraqty negızde jürgızılıp jatqanyn atap ötkım keledı», – dedı Aiagöz Näbieva.
VII jäne VIII sailanǧan qalalyq mäslihat deputaty Dinara Orazalina bırneşe jyl boiy Ortalyqtyŋ barlyq ıs-şaralaryna qatysatynyn aitty.
«Bız senbılıkterge ǧana emes, jaŋa jyl nemese basqa da mereke bolsyn, barlyq merekelık şaralarǧa qatysamyz. Maǧan balalarǧa kelu, olarǧa kömektesu ūnaidy. Balalardyŋ bärı jaqsy kütımdı jäne köŋıldı, öitkenı olarǧa ortalyq qyzmetkerlerınıŋ qoldauy zor. Demalys künderı olardy tamaq pısıruge üiretedı. Mamandyq boiynşa Men därıgermın jäne özım üş balanyŋ anasymyn, bıraq mūnda qaita-qaita keluden şarşamaimyn, öitkenı balalardyŋ quanyşty jüzderın köru men üşın ǧanibet», – dep tüiındedı deputat.
