Mäjılıs deputattary jylu elektr stansiiasynyŋ jūmysymen tanysty, dep habarlaidy astana-akshamy.kz
2024 jyldyŋ 1 şıldesınen Qazaqstan Respublikasy Parlamentı Mäjılısı deputattarynyŋ aimaqtarǧa ıs-saparlary bastaldy.
QR Parlamentı Mäjılısınıŋ deputattary sailauşylarmen kezdesıp, 10 şıldege deiın «AMANAT» partiiasy Sailaualdy baǧdarlamasy Jol kartasynyŋ nysandaryn aralaidy.
Josparǧa säikes, Düisenbai Tūrǧanov, Pavel Kazansev, Samat Nūrtaza, Marat Başimov, Tatiana Saveleva, Snejanna İmaşeva syndy QR Parlamentı Mäjılısınıŋ bırqatar deputattary «AMANAT» partiiasy Sailaualdy baǧdarlamasynyŋ «Jol kartasy» aiasynda salynyp jatqan «Tūran» JES-nyŋ jūmysymen tanysyp, qyzmetkerlerımen kezdestı.
Qalany jylumen qamtu – Memleket basşysynyŋ baqylauynda tūrǧan elordany damytudyŋ basym baǧyty. Nysan jūmysymen tanysuǧa, qyzmetkerlerdıŋ ūsynysy men ötınışterın tyŋdauǧa Astana qalasy Mäslihatynyŋ deputattary, «Astana qalasynyŋ Energetika basqarmasy» MM ökılderı, «AMANAT» partiiasy Astana qalalyq filialy janyndaǧy keŋes müşelerı de bardy.
«Qorǧaljyn» tas joly audanyndaǧy būl qazandyq jylu tapşylyǧy bar negızgı audandardy jäne Syǧanaq köşesınıŋ oŋtüstıgınde, Tūran daŋǧylynyŋ batysynda perspektivaly qūrylys audandaryn jylumen qamtamasyz etuge mümkındık beredı.
Sondai-aq, «Ellington» köpfunksionaldy otbasylyq-oiyn-sauyq turistık audanynyŋ, Qazaqstandyq ipotekalyq kompaniiasy salyp jatqan tūrǧyn üi keşenderınıŋ jäne Qorǧaljyn tas joly men S.Seifullin köşesı arasyndaǧy Araldyŋ jaŋa qūrylys nysandaryn jylumen qamtamasyz etedı.
2023 jyly «Tūran» JES-nyŋ quaty 350 Gkal/saǧ bolatyn 6 qazandyǧy bar 1-kezektıŋ qūrylysy aiaqtalǧan bolsa, biyl quaty 250 Gkal/saǧ bolatyn 4 qazandyǧy bar 2-kezektı aiaqtau josparlanǧan.
Aita keteiık, «Tūran» JES-da 95 adam jūmys ısteidı.
Kezdesu barysynda QR Parlamentı Mäjılısınıŋ deputattary «Astana qalasynyŋ Energetika basqarmasy» MM ökılderın mazalaǧan mäselelerdıŋ oŋ şeşımın tabuǧa atsalysatynyn, 2-kezektıŋ ıske qosyluyn baqylauda ūstaitynyn aitty.
