Maŋǧystaudyŋ jerasty meşıtterın IýNESKO mūralary tızımıne qosu üşın nominasiialyq qūjattardy äzırleu bastady. Būl turaly Mädeniet jäne aqparat ministrlıgınen mälım ettı, dep habarlaidy astana-akshamy.kz
«Memleket basşysy Qasym-Jomart Toqaevtyŋ Ūlttyq qūryltaidyŋ «Adal adam -Adal eŋbek – Adal tabys» atty üşınşı otyrysynda bergen tapsyrmasyna sai Mädeniet komitetı 2024 jyly Maŋǧystaudyŋ jerasty meşıtterı boiynşa nominasiialyq qūjattardy äzırleudı bastady. Jalpy, Maŋǧystaudyŋ jerasty meşıtterı nominasiiasy aiasynda Beket ata, Şolpan ata, Şaqpaq ata, Qaraman ata jäne Sūltan epe eskertkışterı boiynşa qūjattamalar daiyndau közdelgen», – delıngen ministrlıktıŋ agenttık saualyna bergen jauabynda.
Vedomstvo mälımetınşe, nominasiialyq qūjattardy daiyndau IýNESKO talaptaryna sai auqymdy jūmystardy jürgızudı qajet etedı.
«Onyŋ ışınde nominasiialatyn obektıler boiynşa olardyŋ buferlık aimaqtarynyŋ jobasyn äzırleu, IýNESKO belgılegen nominasiialaudyŋ 10 kriteriilerımen bailanystyryp, IýNESKO tızımıne ūsynylatyn obekterdıŋ joǧarǧy ämbebap qūndylyqtaryn ajyratu, basqaru josparlaryn äzırleu, aldyn-ala monitoringtık jūmystardy jürgızudı qajet etedı. Keleşekte Qazaqstannyŋ ortaǧasyrlyq meşıtterı men kesenelerı säulettık öner ülgılerın (olardyŋ retı anyqtalatyn bolady), sondai-aq, qazırgı zamannyŋ säulettık öner tuyndylaryn (mäselen, Qazaqstan qonaq üiı, Medeu mūz aidyny) halyqaralyq keŋıstıkke ūsynu jospary bar», – dedı ministrlıkten.
Foto:mangystau.inmap.kz/
