Astanada masaǧa qarsy dezinseksiialyq jūmystar säuır aiynan bastap oryndalyp keledı, dep habarlaidy astana-akshamy.kz
Alty tur boiynşa jändıkter ai saiyn qyrküiekke deiın ulanady.
Biyl dezinseksiialyq ıs-şaralar säuır aiynan bastaldy. Bırınşı tur aiasynda qalanyŋ barlyq tabiǧi jäne jasandy su aidyndary öŋdeldı, būl – 120-dan astam tūraqty jäne 100 uaqytşa, sondai-aq aşyq stansiialar – saiabaqtar, gülzarlar, köşeler, tūrǧyn üi massivterı. 30 mamyrdan bastap ekınşı turda su qoimalary men aşyq stansiialar öŋdeuden ötedı.
Mausym aiynda ıs-şaralar tüngı saǧat 21:00-den 04:00-ge deiın ötkızıledı. Is-şara barysynda elorda tūrǧyndary men qonaqtaryna saqtyq şaralaryn saqtau maŋyzdy: öŋdeletın jerge barudy şekteu jäne öŋdeu kezınde terezelerdı jabu.
Dezinseksiia tolyǧymen joiuǧa emes, masalardyŋ sanyn azaituǧa baǧyttalǧan, öitkenı olar tabiǧi ekojüienıŋ ajyramas bölıgı bolyp sanalady.
Būl rette kıreberıster men jertölelerdı öŋdeuge PİK jäne MİB/üilerdıŋ basqaruşy kompaniialary jauap beredı. Öitkenı būl aumaq olardyŋ qūzyretıne jatady.
Sondai-aq, bırqatar üide masalardyŋ yzyldauyq türı bar. Yzyldauyq masalar şaǧatyn jändıkter emes. Olar köbınese syrtqy türıne bailanysty qarapaiym masalarmen şatastyrylady. Olardyŋ eresek türlerı tamaqtanbaidy jäne 3-ten 7 künge deiın ömır süredı, negızınen top bolyp ūşyp jüredı. Sondyqtan PİK/MİB/basqaruşy kompaniialar kıreberıster men jertölelerdı dezinseksiialaudy uaqytyly jürgızuı kerek.
Qan soratyn jändıkterdıŋ sanyn anyqtau jäne azaitu jūmysy baqylauda jäne jūmys kestesıne, sol siiaqty ǧylymi top pen sanepidbaqylau ūsynymdaryna säikes jalǧasuda.
