Astana qalasy Tılderdı damytu jäne arhiv ısı basqarmasynyŋ ūiymdastyruymen Täuelsızdık künıne orai «Qazaqwa Quiz» intellektualdy saiysy öttı. Saiystyŋ maqsaty – qazaq tılın, tarihyn, salt-dästürın, ädet-ǧūrpyn, ǧylymy, önerı, ädebi mūralaryn nasihattau, ūjymmen jūmys jasau daǧdylaryn arttyru.
Atalǧan saiysqa 20 mekeme qatysty. Qatysuşy komandalar «Test sūraqtary», «Sözjūmbaq» krossvord tury, «Üş suret» media tury, «Än sözı», «Qazaq kinosy», «Oilan, tap» turlary boiynşa synǧa tüstı.
Nätijesınde I oryndy «Astana-Aimaqtyq Elektrjelılık Kompaniiasy» AQ-nyŋ «Şamşyraq» toby, II oryndy Äzırbaijan Mämbetov atyndaǧy Memlekettık drama jäne komediia teatrynyŋ «Ä.Mämbetov mektebı» toby, III oryndy «Ruhaniiat» kommunaldyq memlekettık mekemesınıŋ «Bolaşaq» toby jeŋıp aldy. Baiqauǧa qatysuşylar diplomdarmen, alǧys hattarmen jäne syilyqtarmen marapattaldy.
